കുപ്രസിദ്ധ വാഹന മോഷ്ടാവ് 'മൊട്ട ബിനു' പിടിയിൽ; പോലീസിനെ വെട്ടിച്ച് ഓടി രക്ഷപ്പെടാനും ശ്രമം

പത്തനംതിട്ട: നിരവധി വാഹന മോഷണ കേസുകളിലെ പ്രതിയും സ്ഥിരം കുറ്റവാളിയുമായ കുറിച്ചി സ്വദേശി 'മൊട്ട ബിനു' എന്ന ബിനുവിനെ ചിങ്ങവനം പോലീസ് അറസ്റ്റ് ചെയ്തു. ഒന്നര മാസം മുൻപ് കുറിച്ചിയിലെ വീടുകളിൽ നിന്ന് അഞ്ച് ഇരുചക്ര വാഹനങ്ങൾ മോഷ്ടിച്ച കേസിൽ ജാമ്യത്തിലിറങ്ങി മുങ്ങി നടക്കുകയായിരുന്ന ഇയാളെ ഞായറാഴ്ച രാവിലെയാണ് പോലീസ് പിടികൂടിയത്. രഹസ്യ വിവരത്തിന്റെ അടിസ്ഥാനത്തിൽ നടത്തിയ തിരച്ചിലിലാണ് പ്രതി പിടിയിലാണ്.

അടൂർ ആതിരമല ഭാഗത്ത് വെച്ച് പോലീസിനെ കണ്ട് ഓടിയ പ്രതിയെ പിന്തുടർന്ന് പിടികൂടുകയായിരുന്നു. നേരത്തെ ആറൻമുളയിൽ വെച്ചും സമാനമായ രീതിയിലാണ് ഇയാളെ പോലീസ് പിടികൂടിയത്. മോഷ്ടിച്ച വാഹനങ്ങളുടെ ബാറ്ററിയും എഞ്ചിനും മറ്റ് പ്രധാന ഭാഗങ്ങളും ഊരി മാറ്റിയ ശേഷം വിൽക്കുകയാണ് ഇയാളുടെ പതിവ്. ചങ്ങനാശ്ശേരി ഡി.വൈ.എസ്.പി അർഷാദ്, സി.ഐ ഡോളി എന്നിവരുടെ നിർദ്ദേശപ്രകാരം എസ്.എച്ച്.ഒ അജ്മൽ ഷായുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.