ഇൻസ്റ്റയിൽ പരിചയപ്പെട്ട 16-കാരിയെ അപ്പാർട്ട്മെന്റിൽ എത്തിച്ച് പീഡിപ്പിച്ചതായി പരാതി; യുവാവ് അറസ്റ്റിൽ

വർക്കല: പ്രായപൂർത്തിയാകാത്ത പെൺകുട്ടിയെ വർക്കല പാപനാശം ബീച്ചിലെ അപ്പാർട്ട്മെന്റിലെത്തിച്ച് മദ്യം നൽകി ലൈംഗികമായി പീഡിപ്പിച്ചതായി പരാതി. സംഭവത്തിൽ തമിഴ്‌നാട് നാഗർകോവിൽ പാർവതീപുരം സ്വദേശിയായ റിസ്വിനെതിരെ വർക്കല പോലീസ് പോക്‌സോ നിയമപ്രകാരം കേസെടുത്തു.

തിരുവനന്തപുരം സ്വദേശിനിയും വട്ടപ്പാറയിലെ സ്വകാര്യ സ്‌കൂളിലെ പ്ലസ് ടു വിദ്യാർഥിനിയുമായ പതിനാറുകാരിയാണ് പീഡനത്തിനിരയായത്. ഇൻസ്റ്റഗ്രാം വഴിയാണ് പെൺകുട്ടി റിസ്വിനുമായി പരിചയപ്പെടുന്നത്. തുടർന്ന് 2026 സെപ്റ്റംബർ 26-ന് റിസ്വിനും സുഹൃത്തുക്കളായ റെമിങ്ടൺ, സഫിയ, ടോണി, ശ്രീഖ എന്നിവരും ചേർന്ന് തിരുവനന്തപുരം ലുലു മാളിന് സമീപത്തുനിന്ന് പെൺകുട്ടിയെ സ്വിഫ്റ്റ് കാറിൽ കയറ്റി വർക്കലയിലെ അപ്പാർട്ട്മെന്റിൽ എത്തിക്കുകയായിരുന്നു.

അപ്പാർട്ട്മെന്റിൽ വെച്ച് പെൺകുട്ടിക്ക് നിർബന്ധിച്ച് മദ്യം നൽകിയശേഷം റിസ്വിൻ ലൈംഗികമായി പീഡിപ്പിക്കുകയായിരുന്നുവെന്ന് പെൺകുട്ടി പോലീസിന് നൽകിയ മൊഴിയിൽ പറയുന്നു. സംഭവത്തിനുശേഷം ഒളിവിൽ പോയ പ്രതിക്കായി തിരച്ചിൽ ഊർജിതമാക്കിയതായും കേസിൽ അന്വേഷണം പുരോഗമിക്കുകയാണെന്നും വർക്കല പോലീസ് അറിയിച്ചു.

Content Highlights: A 16-year-old plus-two student was allegedly assaulted in a Varkala apartment., The victim met the main accused, Rizwin, through Instagram., Accused forced the victim to consume alcohol before the assault on September 26, 2026., Varkala police registered a POCSO case and launched a manhunt for the absconding accused.