എരിയുന്ന ചിതയിലെ തീയിൽ ഇറച്ചി പാകംചെയ്തു; ഷാജഹാൻപുരിൽ ഒരാൾ അറസ്റ്റിൽ; രണ്ടുപേർ ഓടിരക്ഷപ്പെട്ടു

ഷാജഹാൻപുർ (ഉത്തർപ്രദേശ്): ശ്മശാനത്തിൽ എരിയുന്ന ചിതയിലെ തീ ഉപയോഗിച്ച് ഇറച്ചി പാകംചെയ്ത സംഭവത്തിൽ ഒരാളെ പോലീസ് അറസ്റ്റുചെയ്തു. ഉത്തർപ്രദേശിലെ ഷാജഹാൻപുർ ജില്ലയിലെ പുവായൻ നത്താപുർ ഗ്രാമത്തിലാണ് സംഭവം.

ഗ്രാമവാസിയായ വീർപാലിന്റെ പിതാവ് മരിച്ചതിനെ തുടർന്ന് ഞായറാഴ്ചയാണ് ഗ്രാമാതിർത്തിയിലുള്ള ശ്മശാനത്തിൽ സംസ്കാരച്ചടങ്ങുകൾ നടന്നത്. വൈകീട്ടോടെ വീർപാൽ വീണ്ടും ചിതയുടെ അടുത്തേക്ക് എത്തിയപ്പോഴാണ് മൂന്നുപേർ ചിതയിലെ തീയിൽ പാത്രംവെച്ച് ഇറച്ചി പാകംചെയ്യുന്നത് കണ്ടത്. പോലീസെത്തി പ്രതികളിലൊരാളായ സുരേന്ദ്രനെ പിടികൂടി. ഒപ്പമുണ്ടായിരുന്ന രണ്ടുപേർ ഓടിരക്ഷപ്പെട്ടു.

Content Highlights: An incident occurred in Puvayan Nathapur village, Shahjahanpur district., Three individuals used funeral pyre fire to cook meat following a cremation., Police arrested one suspect named Surendra, while two others escaped., The crime was discovered when the deceased person's son returned to the cremation ground.