ഭാര്യയെ കുത്തിക്കൊലപ്പെടുത്തി ഭര്ത്താവ് ജീവനൊടുക്കി; സംഭവം മല്ലപ്പള്ളിയിൽ
മല്ലപ്പള്ളി: ഈസ്റ്റ് പോസ്റ്റ് ഓഫിസിനു സമീപം ഭാര്യയെ കുത്തിക്കൊലപ്പെടുത്തി ഭര്ത്താവ് ആത്മഹത്യ ചെയ്തു. പുലിയിടശേരില് രഘുനാഥന് (62), ഭാര്യ സുധ (55) എന്നിവരെയാണ് രാവിലെ മരിച്ച നിലയില് കണ്ടെത്തിയത്.
രഘുനാഥന് വീടിന് സമീപത്തെ ശൗചാലയത്തില് തൂങ്ങി മരിച്ച നിലയിലും സുധ കുത്തേറ്റ് രക്തം വാര്ന്ന് മുറ്റത്തും കിടക്കുകയായിരുന്നു. കുടുംബവഴക്ക് കൊലപാതകത്തിനും ആത്മഹത്യയ്ക്കും കാരണമായി തീര്ന്നുവെന്നാണ് പോലീസ് നിഗമനം.
എറണാകുളത്ത് ജോലി ചെയ്യുന്ന മകന് മാതാപിതാക്കളെ ഫോണില് വിളിച്ചപ്പോള് ആരും എടുത്തില്ല. തുടര്ന്ന് ഒരു സുഹൃത്തിനെ അന്വേഷിക്കാന് പറഞ്ഞു വിടുകയായിരുന്നു. അദ്ദേഹം വീട്ടിലെത്തിയപ്പോഴാണ് ഇരുവരെയും മരിച്ച നിലയില് കണ്ടത്.
Content Highlights: man in Mallappally, Kerala, killed his wife and committed suicide, Raghubathan, Sudha