ഹണിയുടെ പരാതി: മുന്കൂര്ജാമ്യം തേടി രാഹുല് ഈശ്വര് ഹൈക്കോടതിയിൽ; കേസെടുക്കാതെ പോലീസ്
കൊച്ചി: സമൂഹമാധ്യമങ്ങളിലൂടെ അധിക്ഷേപിച്ചുവെന്ന നടി ഹണി റോസിന്റെ പരാതിയില് മുന്കൂര് ജാമ്യം തേടി രാഹുല് ഈശ്വര്. ഹൈക്കോടതിയില് മുന്കൂര് ജാമ്യാപേക്ഷ സമര്പ്പിച്ചു. തിങ്കളാഴ്ച ഹര്ജി പരിഗണിച്ചേക്കും.
പരാതിയില് പോലീസ് ഇതുവരെ കേസെടുത്തിട്ടില്ല. നിയമോപദേശം തേടിയ ശേഷം മാത്രമേ കേസെടുക്കൂവെന്നാണ് പോലീസിന്റെ നിലപാട്. നിയമോപദേശം കിട്ടുന്ന മുറയ്ക്ക് നടപടികള് വേഗത്തിലാക്കും.
ബോബി ചെമ്മണൂരിനെതിരായ പരാതിയില് ഹണി റോസിനെ വിമര്ശിച്ച് രാഹുല് ഈശ്വര് രംഗത്തെത്തിയിരുന്നു. ചാനല് ചര്ച്ചകളില് പങ്കെടുക്കവെ രാഹുല് നടത്തിയ പരാമര്ശങ്ങളിലാണ് ഹണി പരാതി നല്കിയത്. ഹണിക്കെതിരായ പരാമര്ശങ്ങളില് തൃശ്ശൂര് സ്വദേശിയും രാഹുലിനെതിരെ പരാതി നല്കിയിരുന്നു.
Content Highlights: Rahul Easwar seeks anticipatory bail in Kochi High Court after Honey Rose`s cyber bullying complaint