ഇന്ത്യൻ കോസ്റ്റ് ഗാർഡിൽ അസിസ്റ്റന്റ് കമാൻഡന്റ് തസ്തികയിലേക്ക് നിയമനം,പ്രതിമാസം 1.2 ലക്ഷം വരെ ശമ്പളം
ഇന്ത്യന്‍ കോസ്റ്റ് ഗാര്‍ഡ് 170 അസിസ്റ്റന്റ് കമാന്‍ഡന്റ് തസ്തികകളിലേക്ക് അപേക്ഷ ക്ഷണിച്ചു. ഔദ്യോഗിക വിജ്ഞാപനം പ്രസിദ്ധീകരിച്ചു. ഉദ്യോഗാര്‍ത്ഥികള്‍ക്ക് ഔദ്യോഗിക വെബ്‌സൈറ്റായ joinindiancoastguard.cdac.in വഴി അപേക്ഷിക്കാവുന്നതാണ്.
ജനറല്‍ ഡ്യൂട്ടി(GD)
- പ്രായപരിധി: 21-25 വയസ്സ് (കോസ്റ്റ് ഗാര്‍ഡില്‍ സേവനമനുഷ്ഠിക്കുന്നവര്‍ക്കോ കരസേന/നാവികസേന/വ്യോമസേനയിലെ തത്തുല്യ ഉദ്യോഗസ്ഥര്‍ക്കോ 5 വര്‍ഷത്തെ ഇളവ്)
- വിദ്യാഭ്യാസ യോഗ്യത: അംഗീകൃത സര്‍വകലാശാലയില്‍ നിന്ന് ബിരുദം. പ്ലസ് ടു വരെയോ ഇന്റര്‍മീഡിയറ്റ് വരെയോ ഉള്ള ക്ലാസുകളില്‍ ഗണിതശാസ്ത്രവും ഭൗതികശാസ്ത്രവും വിഷയങ്ങളായി പഠിച്ചിരിക്കണം.
ടെക്‌നിക്കല്‍ (മെക്കാനിക്കല്‍/ഇലക്ട്രിക്കല്‍/ഇലക്ട്രോണിക്‌സ്)
- പ്രായപരിധി: 21-25 വയസ്സ് (കോസ്റ്റ് ഗാര്‍ഡില്‍ സേവനമനുഷ്ഠിക്കുന്നവര്‍ക്ക് 5 വര്‍ഷത്തെ ഇളവ്)
- വിദ്യാഭ്യാസ യോഗ്യത: അംഗീകൃത സര്‍വകലാശാലയില്‍ നിന്ന് ബന്ധപ്പെട്ട വിഷയങ്ങളില്‍ എന്‍ജിനീയറിങ് ബിരുദം.
ജൂലായ്‌ 23 വരെ അപേക്ഷ സമര്‍പ്പിക്കാം. എല്ലാ ഉദ്യോഗാര്‍ത്ഥികള്‍ക്കും 300 രൂപയാണ് അപേക്ഷ ഫീസ് (SC/ST വിഭാഗക്കാര്‍ക്ക് ഫീസില്ല)
ശമ്പള ഘടന
- അസിസ്റ്റന്റ് കമാന്‍ഡന്റ്: 56,100 രൂപ
- ഡെപ്യൂട്ടി കമാന്‍ഡന്റ്: 67,700 രൂപ
- കമാന്‍ഡന്റ് (JG): 78,800 രൂപ
- കമാന്‍ഡന്റ്: 1,23,100 രൂപ
വിശദവിവരങ്ങള്‍ക്ക് ഔദ്യോഗിക വെബ്‌സൈറ്റ് സന്ദര്‍ശിക്കാം: joinindiancoastguard.cdac.in
Content Highlights: 170 Indian Coast Guard Assistant Commandant Jobs