ഇന്ത്യ പോസ്റ്റ് GDS റിക്രൂട്ട്‌മെന്റ് 2026: രജിസ്‌ട്രേഷൻ ആരംഭിച്ചു, പ്രധാന വിവരങ്ങളറിയാം

ഇന്ത്യ പോസ്റ്റ് ഗ്രാമീൺ ഡാക് സേവക് (ജി.ഡി.എസ്.) ഷെഡ്യൂൾ-II റിക്രൂട്ട്‌മെന്റിനായുള്ള രജിസ്‌ട്രേഷൻ നടപടികൾ ആരംഭിച്ചു. താൽപ്പര്യമുള്ള ഉദ്യോഗാർത്ഥികൾക്ക് indiapost.gov.in എന്ന ഔദ്യോഗിക വെബ്‌സൈറ്റ് വഴി അപേക്ഷിക്കാം.

പ്രധാന വിവരങ്ങൾ:

• അപേക്ഷാ തീയതികൾ: ഓഗസ്റ്റ് 31 മുതൽ സെപ്റ്റംബർ 19 വൈകുന്നേരം അഞ്ച് മണി വരെ രജിസ്റ്റർ ചെയ്യാം. മുൻപത്തെ രജിസ്ട്രേഷൻ നമ്പറുകൾ സ്വീകരിക്കുന്നതല്ല, പുതിയ അപേക്ഷകർ വീണ്ടും രജിസ്റ്റർ ചെയ്യേണ്ടതുണ്ട്.

• ഓൺലൈൻ അപേക്ഷ സമർപ്പണം: സെപ്റ്റംബർ രണ്ട് മുതൽ അപേക്ഷാ ഫോം സമർപ്പിച്ചു തുടങ്ങാം. അവസാന തീയതി സെപ്റ്റംബർ 21 വൈകുന്നേരം അഞ്ച് മണിയാണ്.

• തിരുത്തലുകൾ വരുത്താൻ: സെപ്റ്റംബർ 23 മുതൽ 24 വരെ അപേക്ഷയിൽ തിരുത്തലുകൾ വരുത്താം.

• അപേക്ഷാ ഫീസ്: ജനറൽ വിഭാഗത്തിൽപ്പെട്ടവർക്ക് 100 രൂപയാണ് ഫീസ്. വനിതകൾ, SC/ST, PwBD, ട്രാൻസ്‌വുമൺ വിഭാഗങ്ങളിൽപ്പെട്ട അപേക്ഷകർക്ക് ഫീസ് ഇളവുണ്ട്.

• തിരഞ്ഞെടുപ്പ് പ്രക്രിയ: പത്താം ക്ലാസ്സിലെ മാർക്കിന്റെ (അല്ലെങ്കിൽ ഗ്രേഡ് മാർക്കാക്കി മാറ്റിയത്) അടിസ്ഥാനത്തിൽ മെറിറ്റ് ലിസ്റ്റ് വഴിയാണ് തിരഞ്ഞെടുപ്പ്.

തിരഞ്ഞെടുക്കപ്പെടുന്നവരുടെ സർട്ടിഫിക്കറ്റ് പരിശോധന ഡിജിലോക്കർ വഴിയായിരിക്കും നടക്കുക. അപേക്ഷകർ പത്താം ക്ലാസ് മാർക്ക് ലിസ്റ്റ്, ജാതി സർട്ടിഫിക്കറ്റ് തുടങ്ങിയ രേഖകൾ ഡിജിലോക്കറിൽ ലഭ്യമാക്കി വയ്ക്കേണ്ടതാണ്.

Content Highlights: Registration for India Post Gramin Dak Sevak (GDS) Schedule-II recruitment has officially begun on the official website, with candidates being selected based on 10th-standard merit marks and DigiLocker document verification.