സിഐഎസ്എഫില്‍ ഒഴിവുകള്‍, അടിസ്ഥാന ശമ്പളം 81,100 രൂപ വരെ, ഒപ്പം മറ്റ് ആനുകൂല്യങ്ങളും
സെന്‍ട്രല്‍ ഇന്‍ഡസ്ട്രിയല്‍ സെക്യൂരിറ്റി ഫോഴ്‌സ് (സിഐഎസ്എഫ്)സ്‌പോര്‍ട്‌സ് ക്വാട്ടയ്ക്ക് കീഴില്‍ ഹെഡ് കോണ്‍സ്റ്റബിള്‍ (ജനറല്‍ ഡ്യൂട്ടി) തസ്തികയിലേക്ക് അപേക്ഷ ക്ഷണിച്ചു.30 ഒഴിവുകളാണുള്ളത്. ഇത് ഹോക്കി വിഭാഗത്തിനായി (വനിതാ ഉദ്യോഗാര്‍ത്ഥികള്‍ക്ക് മാത്രം) ഉള്ളതാണ്. താല്‍പ്പര്യമുള്ളതും യോഗ്യതയുള്ളതുമായ ഉദ്യോഗാര്‍ത്ഥികള്‍ക്ക് ഔദ്യോഗിക സിഐഎസ്എഫ് റിക്രൂട്ട്‌മെന്റ് പോര്‍ട്ടലായ cisfrectt.cisf.gov.in വഴി അപേക്ഷിക്കാം.
സിഐഎസ്എഫ് റിക്രൂട്ട്‌മെന്റ് 2025 പ്രധാന തീയതികള്‍
- അപേക്ഷ ആരംഭിക്കുന്ന തീയതി: 2025 മെയ് 11
- അപേക്ഷിക്കാനുള്ള അവസാന തീയതി: 2025 മെയ് 30 (രാത്രി 11:59 വരെ)
ആകെ തസ്തികകള്‍: 30 (വനിതാ ഹോക്കി കളിക്കാര്‍ക്ക്)
വിദ്യാഭ്യാസ യോഗ്യത
അംഗീകൃത ബോര്‍ഡില്‍ നിന്നുള്ള പന്ത്രണ്ടാം ക്ലാസ് പാസ്, കൂടാതെ സംസ്ഥാന/ദേശീയ/അന്താരാഷ്ട്ര തലത്തില്‍ ഹോക്കിയില്‍ പങ്കെടുത്തതിന്റെ സാധുവായ റെക്കോര്‍ഡ്.
പ്രായപരിധി
2025 ഓഗസ്റ്റ് 1-ന് 18 മുതല്‍ 23 വയസ്സ് വരെ (2002 ഓഗസ്റ്റ് 2-നും 2007 ഓഗസ്റ്റ് 1-നും ഇടയില്‍ ജനിച്ചവര്‍).
ശമ്പള സ്‌കെയില്‍
ലെവല്‍-4 പേ മാട്രിക്‌സ്: 25,500 രൂപ മുതല്‍ 81,100 രൂപ വരെ, കൂടാതെ കേന്ദ്ര സര്‍ക്കാര്‍ മാനദണ്ഡങ്ങള്‍ അനുസരിച്ചുള്ള മറ്റ് അലവന്‍സുകളും.
അപേക്ഷ സമര്‍പ്പിക്കാനുള്ള ഘട്ടങ്ങള്‍
- cisfrectt.cisf.gov.in സന്ദര്‍ശിക്കുക
- Login ക്ലിക്ക് ചെയ്ത് 'New Registration' തിരഞ്ഞെടുക്കുക
- വ്യക്തിഗത, ബന്ധപ്പെടാനുള്ള, വിദ്യാഭ്യാസ വിശദാംശങ്ങള്‍ ശ്രദ്ധയോടെ പൂരിപ്പിക്കുക
- ആവശ്യമായ രേഖകള്‍ അപ്ലോഡ് ചെയ്ത് ഡിക്ലറേഷന്‍ പൂര്‍ത്തിയാക്കുക
- അപേക്ഷ സമര്‍പ്പിക്കുക, രജിസ്‌ട്രേഷന്‍ വിശദാംശങ്ങള്‍ സേവ് ചെയ്യുക
Content Highlights: CISF Recruitment 2025: Head Constable (Hockey)