നരെയ്ൻ കാർത്തികേയനൊപ്പം സ്വർഗം കണ്ട് പറന്ന യാത്ര, പ്രാണൻ കൈയിൽപ്പിടിച്ചൊരു യാത്രാനുഭവം

ട്രാഫിക് എന്ന മലയാള സിനിമയുടെ ക്ലൈമാക്‌സില്‍ ലിഫ്റ്റ് അടിച്ച് കയറി വാഹനത്തിന്റെ ഡ്രൈവര്‍ ചോദിക്കുന്ന ഒരു ചോദ്യമുണ്ട്, സ്പീഡ് പേടിയുണ്ടോ എന്ന്. ഏതാണ്ട് സമാനമായ ഒരു സാഹചര്യത്തില്‍ കൂടി കടന്നുപോയതിന്റെ ഒരു ത്രില്ല് കഴിഞ്ഞ ദിവസം എനിക്കുമുണ്ടായി. സംഭവം അല്‍പ്പം സിനിമാറ്റിക്കാണ്. ടാറ്റയുടെ പുതിയ മോഡലായ അള്‍ട്രോസ് റേസറിന്റെ ഡ്രൈവ് നടന്നത് കോയമ്പത്തൂരിലായിരുന്നു. പേരില്‍ ഒരു റേസര്‍ എന്നുള്ളത് കൊണ്ടുതന്നെ ഒരു റേസ് ട്രാക്ക് എക്‌സ്പീരിയന്‍സും ടാറ്റ മോട്ടോഴ്‌സ് ഒരുക്കിയിരുന്നു. അവിടെ വെച്ചാണ് ലൈഫിലെ തന്നെ ഏറ്റവും ത്രില്ലിങ് എന്ന് ഉറപ്പിച്ച പറയാവുന്ന ഡ്രൈവിങ് അനുഭവമുണ്ടാകുന്നത്. 

നരെയ്ൻ കാര്‍ത്തികേയന്‍ എന്ന ഇന്ത്യയുടെ ഏഫ് വൺ കാര്‍ റൈസറിനെ അധികമാര്‍ക്കും പരിചയപ്പെടുത്തി കൊടുക്കേണ്ട കാര്യമില്ല. ഫോര്‍മുല വണ്‍ റേസിങ്ങില്‍ വാഹനമോടിക്കുന്ന ആളിന്റെ കൂടെ ഒരു ഡ്രൈവ് ലഭിച്ചാലുള്ള ഫീല്‍ എന്തായിരിക്കും. അതും കാര്‍ റേസിങ്  പരിശീലനത്തിനും മത്സരങ്ങള്‍ക്കുമായി ഡിസൈന്‍ ചെയ്തിട്ടുള്ള ട്രാക്കില്‍. പേടി അല്‍പ്പം തോന്നിയിരുന്നെങ്കിലും അതിനും മുകളിലായിരുന്നു ഇത് എക്‌സ്പീരിയന്‍സ് ചെയ്യാനുള്ള ത്രിൽ. ജീവിതത്തില്‍ ഒരിക്കല്‍ മാത്രം കിട്ടുന്ന അവസരമാണെന്ന് ഉറപ്പുള്ളത് കൊണ്ട് അദ്ദേഹത്തിനൊപ്പം ട്രാക്കിലിറങ്ങാന്‍ ഹെല്‍മറ്റ് അണിയുകയായിരുന്നു. 

Content Highlights: A Race Track drive experience with Indian F1 racer Narain Karthikeyan in Tata Altroz Racer