മനുഷ്യരിൽ ഔഷധപ്രതിരോധത്തിന് കാരണമാകുന്നു; മൃഗചികിത്സയ്ക്കുള്ള 34 മരുന്നുകൾ നിരോധിക്കാൻ ശുപാർശ
തൃശ്ശൂർ: മൃഗചികിത്സയിൽ ഉപയോഗിക്കുന്ന 34 മരുന്നുകൾ പിൻവലിക്കണമെന്ന് ഡ്രഗ്സ് ടെക്നിക്കൽ അഡ്വൈസറി ബോർഡിന്റെ(ഡിടിഎബി) ശുപാർശ.
മൃഗങ്ങളിലും പക്ഷികളിലുമുള്ള ഈ മരുന്നുകളുടെ ഉപയോഗം മനുഷ്യരിൽ ഔഷധപ്രതിരോധത്തിന് കാരണമാകുന്നുവെന്ന പഠനത്തെത്തുടർന്നാണ് നടപടി. ആന്റിബയോട്ടിക്കുകളായ സെഫ്റ്റോബൈപ്രോൾ, കാർബാപെനെം, മോണോബാക്ടം, ഗ്ലൈക്കോപെപ്റ്റൈഡ്സ്, ഫിഡാക്സോമൈസിൻ തുടങ്ങിയവ പട്ടികയിലുണ്ട്. ഫാവിപിരാവിർ, ഗാലിഡേസിവിർ, ഒസെൽട്ടാമിവിർ തുടങ്ങിയ ആന്റിവൈറൽ മരുന്നുകളും ഇതിൽ ഉൾപ്പെടും.
കാർബോക്സി പെൻസിലിനുകൾ, ബീറ്റ-ലാക്ടമേസ് ചേർന്ന സെഫാലോസ്പോറിൻ സംയുക്തങ്ങൾ, ഫോസ്ഫോനിക് ആസിഡിൽനിന്നുണ്ടാക്കുന്ന മരുന്നുകൾ തുടങ്ങിയവയുടെ ഉപയോഗം സംബന്ധിച്ചും റിപ്പോർട്ടുതേടിയിട്ടുണ്ട്. ഈ മരുന്നുകളുടെ വെറ്ററിനറി ഉപയോഗത്തിന് യൂറോപ്യൻ യൂണിയൻ നിയന്ത്രണമേർപ്പെടുത്തിയിട്ടുണ്ട്. ഇന്ത്യയിൽ ഇവ മൃഗചികിത്സയിൽ ഉപയോഗിക്കാൻ അനുമതികൊടുത്തിട്ടില്ല. എന്നാൽ, പലയിടത്തും ഉപയോഗിക്കുന്നുണ്ട്.
Content Highlights: banning 34 veterinary drugs due to human antibiotic resistance concerns