കർഷകരെ വലച്ച് വാഴയിലെ മീലി മൂട്ടകൾ; അറിഞ്ഞിരിക്കണം കാരണങ്ങളും നിയന്ത്രണ മാർഗങ്ങളും

പറുദീസയിലെ പഴമായ വാഴയെ വിവിധ കീടങ്ങൾ സാരമായി ബാധിക്കുന്നുണ്ടെങ്കിലും അവയിൽ നീരൂറ്റി കുടിക്കുന്ന പ്രാണികൾ വേറിട്ട് നിൽക്കുന്നു. കുറുനാമ്പു രോഗം പരത്തുന്ന അഫിടുകളും വാഴയിലകളുടെ അടിയിൽ കൂട്ടത്തോടെ കാണുന്ന മിറിഡ് ചാഴികളും റേന്തപത്ര പ്രാണികളും വെള്ളീച്ചകളും ഇലപ്പേനുകളും അടങ്ങുന്ന ഈ ഗണത്തിൽ കാഴ്ചയിലെ വ്യത്യസ്തത കൊണ്ടോ അല്ലെങ്കിൽ പെട്ടെന്ന് കാണാൻ സാധിക്കാത്തതുകൊണ്ടോ മീലീമൂട്ടകൾ പലപ്പോഴും വാഴക്കർഷകരുടെ  ശ്രദ്ധയിൽനിന്ന് അകന്നു പോകാറുണ്ട്.

വാഴയുടെ ഇലത്തണ്ടുകളിലും കുലകളിലും പോളകളിലും വേരുകളിലും ഒറ്റയ്ക്കോ അല്ലെങ്കിൽ കൂട്ടത്തോടെ പഞ്ഞിക്കെട്ടുകൾ പോലെ കാണുന്ന ഈ ജീവികൾ അനുകൂല കാലാവസ്ഥയിലും സുലഭമായ ആതിഥേയ സസ്യഭാഗങ്ങളുടെ സാന്നിധ്യത്തിലും എണ്ണം കൂടുകയോ അല്ലെങ്കിൽ അപ്രതീക്ഷിതമായി പൊട്ടിപ്പുറപ്പെടുമ്പോഴോ മാത്രമാണ് കർഷകർ ശ്രദ്ധിക്കാറുള്ളത്. വാഴയിലെ കീടങ്ങളുടെ സർവ്വേകളിൽ (ICAR-AICRP (Fruits) നിന്ന് കേരളത്തിലെ വിവിധ തോട്ടങ്ങളിൽനിന്നു താഴെ വിവരിക്കുന്ന മീലിമൂട്ടകളെ കണ്ടെത്തിയിട്ടുണ്ട്.

Content Highlights: Learn about mealybugs affecting banana plants, their causes, and effective control methods