എലികളിൽനിന്ന് മനുഷ്യരിലേക്ക്, 60% വരെ മരണനിരക്ക്; വയൽ എലികളിലെ വൈറസ് കപ്പൽ കേറുമ്പോൾ

നമ്മുടെ ചരിത്രപുസ്തകങ്ങളിൽ അത്രയധികം രേഖപ്പെടുത്താത്ത പല യുദ്ധങ്ങളും പ്രകൃതിയും മനുഷ്യനും തമ്മിൽ നടക്കാറുണ്ട്. അത്തരമൊരു പോരാട്ടത്തിന്റെ കഥ തുടങ്ങുന്നത് 1951 മുതൽ 1953 വരെ നീണ്ട കൊറിയൻ യുദ്ധകാലത്താണ്. യുദ്ധഭൂമിയിൽ ഐക്യരാഷ്ട്ര സഭയുടെ മൂവായിരത്തിലധികം സൈനികർ അന്ന് ഒരു നിഗൂഢ രോഗത്തിന്റെ പിടിയിലായി. അക്കാലത്ത് ‘കൊറിയൻ ഹെമറാജിക് ഫീവർ’ എന്നറിയപ്പെട്ട ഈ രോഗം ബാധിച്ചവർ കഠിനമായ പനിയും ആന്തരിക രക്തസ്രാവവും മൂലം തളർന്നു. എന്നാൽ, ഇതിന് കാരണമായ വില്ലൻ ആരാണെന്ന് കണ്ടെത്താൻ ശാസ്ത്രലോകത്തിന് വർഷങ്ങൾ നീണ്ട പരിശ്രമം വേണ്ടിവന്നു.

1978-ലാണ് ആ നിർണ്ണായക കണ്ടെത്തൽ നടന്നത്. ദക്ഷിണ കൊറിയയിലെ ഹാൻ്റാൻ നദിക്കരയിൽ കണ്ടുവരുന്ന ‘അപ്പോഡെമസ് അഗ്രേറിയസ്’ (Apodemus agrarius) എന്ന ഇനം വയൽ എലികളിൽനിന്ന് ഈ രോഗകാരിയായ വൈറസിനെ ശാസ്ത്രജ്ഞർ വേർതിരിച്ചെടുത്തു. വൈറസിന് ആ നദിയുടെ പേരിനോട് സാമ്യമുള്ള ‘ഹാൻ്റാൻ വൈറസ്’ എന്ന പേര് നൽകി.

Content Highlights: The recent fatal outbreak of the rodent-borne Hanta virus on the MV Hondius cruise ship has sparked global health concerns, drawing attention to its historical origins, severe respiratory symptoms, and recorded presence in Indian states like Kerala.