എന്റെയുള്ളിലെ ഉണങ്ങാത്ത മുറിവാണ് അപ്പുറം എന്ന സിനിമ - ഇന്ദു ലക്ഷ്മി

മാനസിക സംഘർഷങ്ങളും വെല്ലുവിളികളും വിവാദങ്ങളും നിറഞ്ഞൊരു സിനിമ ജീവിതം. തളർന്നുപോയെന്ന് തോന്നിയപ്പോഴൊക്കെ തിരിച്ചുവരാൻ ഇന്ദു ലക്ഷ്മി എന്ന സംവിധായികയെ പ്രേരിപ്പിച്ചതും സിനിമയോടുള്ള അതിയായ അഭിനിവേശം തന്നെ. ഇപ്പോഴിതാ രാജ്യാന്തര ചലച്ചിത്ര മേളയിൽ മത്സരവിഭാ​ഗത്തിൽ തൻ്റെ 'അപ്പുറം' എന്ന ചിത്രം എത്തിച്ചുകൊണ്ട് തോൽക്കാൻ മനസ്സില്ലെന്ന് ഉറക്കെ വിളിച്ചുപറയുകയാണ് ഈ സംവിധായിക.

ഇന്ദു ലക്ഷ്മി രചനയും സംവിധാനവും നിർവഹിച്ച ചിത്രത്തിൽ ജ​ഗദീഷ്, മിനി ഐ.ജി, അനഘ രവി എന്നിവർ പ്രധാന വേഷങ്ങളിലെത്തുന്നു. തൻ്റെ അതിജീവന പോരാട്ടത്തിൻ്റെ ഭാ​ഗമാണ് ഈ സിനിമ എന്നും സംവിധായിക പറഞ്ഞുവെക്കുന്നുണ്ട്. തൻ്റെ സിനിമ വിശേഷങ്ങൾ ഇന്ദു ലക്ഷ്മി മാതൃഭൂമി ഡോട്ട്കോമിനോട് പങ്കുവെക്കുന്നു.