അര നൂറ്റാണ്ടിന് ശേഷം സത്യം പുറത്തുവന്നു; പാബ്ലോ നെരൂദ മരിച്ചത്‌ വിഷം ഉള്ളിൽച്ചെന്ന്

ആധുനിക ചിലിയുടെ ചരിത്രത്തിലെ ഏറ്റവും വലിയ നിഗൂഢതകളിലൊന്നായ കവി പാബ്ലോ നെരൂദയുടെ മരണത്തിന്റെ ചുരുളഴിഞ്ഞു. അദ്ദേഹം മരിച്ചത് വിഷം ഉള്ളിൽച്ചെന്നാണെന്ന് ഫൊറൻസിക് വിദഗ്ധർ കണ്ടെത്തി. നൊബേൽ സമ്മാനജേതാവായ കവിയുടേത് സ്വാഭാവിക മരണമല്ല, കൊലപാതകമാണെന്ന് ഇതോടെ ഉറപ്പായി. നാഡീവ്യൂഹത്തെ തളർത്തി മരണത്തിലേക്കു നയിക്കുന്ന ബോട്ടുലിസം എന്ന രോഗാവസ്ഥയുണ്ടാക്കുന്ന ക്ലോസ്ട്രിഡിയം ബോട്ടുലിനം എന്ന ബാക്ടീരിയയാണ് അദ്ദേഹത്തിന്റെ മൃതദേഹാവശിഷ്ടങ്ങളിൽ കണ്ടെത്തിയത്.