സുരക്ഷയില്‍ സ്റ്റാറായി ഡിസയര്‍; പരസ്പരം ട്രോളി മാരുതി-ടാറ്റ ഫാന്‍സ്
നവംബര്‍ എട്ട് മാരുതി ഹെയ്റ്റേഴ്സിന് കറുത്ത ദിനമായിരുന്നു. ഇത്രയും നാള്‍ എന്ത് പറഞ്ഞാണോ കളിയാക്കിയത് അതിന് ചുട്ട മറുപടിയായിരുന്നു മാരുതിയുടെ പുതിയ ഡിസയര്‍. വെറും ഡിസയറല്ല, ഫൈവ് സ്റ്റാര്‍ ഡിസയര്‍... മാരുതിയുടെ ഒരു വാഹനത്തിന് ക്രാഷ് ടെസ്റ്റിന് ഫൈവ് സ്റ്റാര്‍ റേറ്റിങ് കിട്ടിയതിന് ട്രോള്‍ മുഴുവന്‍ ടാറ്റയ്ക്കാണെന്നതാണ് ഇതിലെ കൗതുകം. കാരണം ഈ ഫൈവ് സ്റ്റാര്‍ വെച്ചാണ് ടാറ്റ നെക്‌സണ്‍ മാര്‍ക്കറ്റ് ചെയ്തത്... അതിന് പഴി മുഴുവന്‍ കേട്ടത് മാരുതിക്കും.
ഇന്ന് ടാറ്റയെ പരിസഹിച്ചും ഡിസയറിനെ പുകഴ്ത്തിയും ട്രോളുകളുടെ പെരുമഴയാണ് സോഷ്യല്‍ മീഡിയയില്‍ നിറയുന്നത്. വാഹനപ്രേമികളുടെ ഗ്രൂപ്പുകളില്‍ ടാറ്റ-മാരുതി ഫാന്‍സിന്റെ യുദ്ധം തന്നെയാണ്. ഗ്ലോബല്‍ എന്‍ക്യാപില്‍ അല്ലേ ഫൈവ് സ്റ്റാര്‍ കിട്ടിയത്. നീയൊക്കെ ധൈര്യമുണ്ടേല്‍ ഇന്ത്യയിലേക്ക് വാടാ എന്നും, ഇത് ഇന്ത്യയില്‍ വില്‍ക്കുന്ന മോഡലിനല്ല വിദേശത്തേക്ക് കയറ്റി അയയ്ക്കുന്ന മോഡലിനാണ് തുടങ്ങി ന്യായീകരണ കമന്റുകളും ഇടക്ക് പൊങ്ങി വരുന്നുണ്ട്.