ഇന്ത്യക്കാർ വിദേശത്ത് പണം ചെലവിടുന്നത് കൂടുന്നു; 2023-2024ൽ ചെലവിട്ടത് 2.68 ലക്ഷം കോടിരൂപ

വിദേശത്ത് ഇന്ത്യക്കാർ പണം ചെലവിടുന്നത് കൂടുന്നു. 2023-2024 സാമ്പത്തികവർഷം 3,174 കോടി ഡോളർ അഥവാ 2.68 ലക്ഷം കോടിരൂപയാണ് ഇത്തരത്തിൽ ചെലവഴിച്ചത്. 2022-2023 സാമ്പത്തികവർഷം ഇത് 2,710 കോടി ഡോളറായിരുന്നു. ചെലവിടുന്ന പണത്തിൽ 17 ശതമാനം വർധനവാണ് ഒരു കൊല്ലത്തിനിടെയുണ്ടായത്. അന്താരാഷ്ട്രയാത്രകളിൽ ഇന്ത്യക്കാർ ചെലവിട്ട തുക 1,700 കോടി ഡോളറാണ്. തൊട്ടു മുൻപത്തെ വർഷത്തെ അപേക്ഷിച്ച് 24.5 ശതമാനം വർധനവാണ് ഈയിനത്തിൽ ഉണ്ടായത്.