ഹെല്‍മെറ്റും ക്ലോറിനുമല്ല; മുടികൊഴിച്ചിലിന്റെ യഥാര്‍ഥ കാരണമറിയാം
മുടികൊഴിച്ചിലുമായി ബന്ധപ്പെട്ട് ധാരാളം മിഥ്യാധാരണകള്‍ സമൂഹത്തിലുണ്ട്. മിക്കവരുടെയും കണ്ണില്‍ മുടി കൊഴിച്ചിലിന്റെ പ്രധാന പ്രശ്‌നക്കാരാണ് ഹെല്‍മെറ്റും ക്ലോറിന്‍ വെള്ളവും. വാസ്തവത്തില്‍ ഇവരണ്ടും മുടി കൊഴിച്ചിലിന് കാരണമാകില്ല. പല പുരുഷന്‍മാരും കരുതുന്നത് ഹെല്മെറ്റ് ഉപയോഗിക്കുന്നത് മൂലമാണ് മുടി കൊഴിയുന്നത് എന്നാണ്. എന്നാല്‍ യഥാര്‍ഥത്തില്‍ കഷണ്ടിയാണ് വില്ലന്‍. അത്തരം കഷണ്ടിക്ക് പലതരം ചികിത്സകളും ലഭ്യമാണ്.
എങ്കിലും വൃത്തിഹീനമായ ഹെല്മെറ്റ് ധരിക്കുന്നത് ഫംഗസ് അണുബാധകള്‍ക്ക് കാരണമാകും. ഇത് തലയോട്ടിയെയും മുടിയെയും ദുര്‍ബലപ്പെടുത്തും. ഈര്‍പ്പം കുറയ്ക്കുന്നതിനും അണുബാധകള്‍ തടയുന്നതിനും ഹെല്മെറ്റ് ലൈനറുകള്‍ പതിവായി വൃത്തിയാക്കുകയോ സ്‌കാര്‍ഫ് പോലുള്ളവ ധരിക്കുകയോ ചെയ്യേണ്ടത് പ്രധാനമാണ്. ഹെല്മെറ്റ് തലയോട്ടിയിലെ പ്രശ്‌നങ്ങള്‍ക്ക് കാരണമാകില്ലെന്ന് ഇതുറപ്പാക്കും.