പാക്കറ്റ് ഫുഡ് പതിവായി കഴിക്കുന്നവരാണോ? ഇനി ശ്രദ്ധിക്കാം
പാക്കറ്റ് ഫുഡ് വാങ്ങി കഴിക്കുന്ന ശീലമുണ്ടോ ? എങ്കില്‍ ഇനി ശ്രദ്ധിക്കാം. ഭക്ഷണ പാക്കേജുകളില്‍ സ്താനാര്‍ബുദത്തിന് കാരണമാകുന്ന രാസവസ്തുക്കളുണ്ടെന്ന് പുതിയ പഠനം വന്നിരിക്കുകയാണ്.
ഫുഡ് പാക്കേജിങ് വിഭാഗത്തില്‍ മാത്രം 189-ഓളം കാന്‍സറിന് കാരണമാകുന്ന കെമിക്കലുകളുടെ സാന്നിധ്യം കണ്ടെത്തിയതായാണ് പഠനത്തില്‍ പറയുന്നത്.
പ്ലാസ്റ്റിക്, കാര്‍ഡ്‌ബോര്‍ഡ് ,പേപ്പര്‍,തുടങ്ങിയ ഫുഡ് പാക്കേജിങ് വസ്തുക്കളിലാണ് കാന്‍സറിന് കാരണമാകുന്ന ഘടകങ്ങളുള്ളത്. ഫ്രോണ്ടിയേഴ്സ് ഇന്‍ ടോക്സിക്കോളജി ജേണലില്‍ പ്രസിദ്ധീകരിച്ച പഠനത്തിലാണ് ഈ കണ്ടെത്തല്‍.