എറണാകുളം-ബെംഗളൂരു വന്ദേഭാരത്; ടിക്കറ്റ് ചാര്‍ജ് എക്‌സിക്യുട്ടീവ് ചെയറിന് 2980, ചെയര്‍കാറിന് 1615
യാത്രക്കാരുടെ ഏറെനാള്‍ നീണ്ട കാത്തിരിപ്പിനൊടുവില്‍ എറണാകുളം-ബെംഗളൂരു വന്ദേഭാരത് എക്‌സ്പ്രസ് യാഥാര്‍ഥ്യമായിരിക്കുകയാണ്. എട്ട് മണിക്കൂര്‍ 40 മിനിറ്റുകൊണ്ട് എറണാകുളത്തുനിന്ന് ബെംഗളൂരുവിലെത്താം. ബുധനാഴ്ച ഒഴികെ ആഴ്ചയില്‍ ആറ് ദിവസം സര്‍വീസ്.
ബെംഗളൂരുവില്‍ നിന്ന് പുലര്‍ച്ചെ 5.10ന് പുറപ്പെടുന്ന ട്രെയിന്‍ ഉച്ചയ്ക്ക് 1.50ന് എറണാകുളത്തെത്തും. തിരിച്ച് എറണാകുളത്തുനിന്ന് ഉച്ചയ്ക്ക് 2.20നാണ് ട്രെയിന്‍ ബെംഗളൂരുവിലേക്ക് പുറപ്പെടുക. രാത്രി 11ന് ബെംഗളൂരുവിലെത്തും. നിലവില്‍ 11 മണിക്കൂറോളം എടുത്തിരുന്ന ട്രെയിന്‍ യാത്ര ഒമ്പത് മണിക്കൂറിനുള്ളിലായി ചുരുങ്ങുന്നത് ഈ റൂട്ടിലെ യാത്രക്കാര്‍ക്ക് വലിയ ആശ്വാസമാണ്.