'എംടി സാർ എന്റെ ഗുരുനാഥൻ; അദ്ദേഹത്തിന്റെ കഥാപാത്രങ്ങൾ ചെയ്താണ് വളർന്നത്, ആ അനുഗ്രഹമാണ് ശക്തി'

പൂർണ ആശീർവാദത്തോടെ അനു​ഗ്രഹിച്ച് തന്നെ സിനിമയ്ക്ക് പരിചയപ്പെടുത്തിയ ഗുരുനാഥനായിരുന്നു എംടി വാസുദേവൻ നായരെന്ന് നടൻ വിനീത്. അദ്ദേഹത്തിന്റെ ആശീർവാദവും അനു​ഗ്രഹവും കൊണ്ട് ഒരുപാട് കാര്യങ്ങൾ പഠിക്കാൻ കഴിഞ്ഞു. വന്ന സമയത്ത് എംടി സാറിന്റെ കഥാപാത്രങ്ങൾ ചെയ്തുകൊണ്ടായിരുന്നു വളർന്നത്. എംടി സാറിന്റെ എട്ട് ചിത്രങ്ങളിൽ അഭിനയിക്കാനുള്ള ഭാ​ഗ്യമുണ്ടായി. അതിൽ ഓരോന്നും പാഠാനുഭവങ്ങളായിരുന്നു. എന്നും ഭയഭക്തി ബഹുമാനത്തോടെയാണ് എംടി സാറിനെ ഞാൻ കണ്ടിട്ടുള്ളത്. എന്നാൽ എവിടെ കണ്ടാലും മക്കളോടുള്ള വാത്സല്യമാണ്. ആ അനു​ഗ്രഹം തന്നെയാണ് ഞങ്ങളുടെ ശക്തി‌യെന്നും വിനീത് പറഞ്ഞു.  

Inshort: Actor Vineeth expresses his gratitude and respect for MT Vasudevan Nair, sharing his experiences working in eight of his films.  A heartfelt tribute.

Content Highlights: Vineeth`s Gratitude to MT Vasudevan Nair