ക്രിസ്മസിനെ വരവേല്‍ക്കാന്‍ 2000 കിലോയുടെ കേക്ക്; കേക്ക് മിക്സിങ് ആഘോഷമാക്കി ദി ലീല റാവിസ്
ഇന്ത്യയിലെ ഐക്കോണിക് ക്ലിഫ്ടോപ്പ് ആഡംബര റിസോർട്ടായ ലീല റാവിസ് കോവളം വാർഷിക ക്രിസ്മസ് കേക്ക് മിക്സിങ് ചടങ്ങ് സംഘടിപ്പിച്ചു. 850 കിലോഗ്രാം ഡ്രൈ ഫ്രൂട്ട്സും നട്സും ചേർത്ത് 2000 കിലോഗ്രാം കേക്ക് തയ്യാറാക്കുന്നതിനുള്ള മിശ്രിതം ചടങ്ങിൽ തയ്യാറാക്കി.
മിസ് സൗത്ത് ഇന്ത്യ പേജന്റ് ഡയറക്ടറും മോഡലുമായ അർച്ചന രവി മുഖ്യാതിഥിയായി ചടങ്ങിൽ പങ്കെടുത്തു. പരിസ്ഥിതി സംരക്ഷണത്തിന് മുൻഗണന കൊടുത്തു കൊണ്ട് ഇത്തവണ സ്റ്റോക്കിങ് ആകൃതിയിലുള്ള കേക്ക് മിക്സിങ് ടേബിളും തടിയിൽ നിർമ്മിച്ച നക്ഷത്രങ്ങളുമാണ് അലങ്കാരങ്ങളായി ഉപയോഗിച്ചത്.