158 വർഷത്തെ ചരിത്രം തിരുത്തി SFI-യുടെ ഫരിഷ്ത; യൂണിവേഴ്സിറ്റി കോളേജിന്റെ ആദ്യത്തെ വനിതാ ചെയർപേഴ്സൺ
എല്ലാ വിദ്യാര്‍ഥികളുടെയും കൂട്ടായപ്രവര്‍ത്തനത്തോടെ കോളേജ് യൂണിയനെ നയിക്കുമെന്ന് തിരുവനന്തപുരം യൂണിവേഴ്സിറ്റി കോളേജിലെ ആദ്യ വനിതാ ചെയര്‍പേഴ്‌സണായ എന്‍.എസ്. ഫരിഷ്ത. 14 അംഗ യൂണിയനില്‍ ഒന്‍പതുപേരും പെണ്‍കുട്ടികളാണ്. ഒന്നാംവര്‍ഷ പ്രതിനിധിയായി കഴിഞ്ഞ യൂണിയനിലും താന്‍ അംഗമായിരുന്നു. കഴിഞ്ഞ യൂണിയന്റെ അതേരീതിയില്‍ സെമിനാറുകളും വര്‍ക്ക്‌ഷോപ്പുകളും സംഘടിപ്പിക്കും. ഷീ ഫെസ്റ്റ് പോലെയുള്ള പരിപാടികളടക്കം യൂണിയന്റെ ആലോചനയിലുണ്ടെന്നും ഫരിഷ്ത മാധ്യമങ്ങളോട് പറഞ്ഞു.
യൂണിവേഴ്സിറ്റി കോളേജിന്റെ ആദ്യത്തെ വനിതാ ചെയര്‍പേഴ്‌സണായി തിരഞ്ഞെടുക്കപ്പെട്ടത് താനാണ്. നേരത്തെ ലിഡിയ മറിയം എന്ന സഖാവിനെ ചെയര്‍പേഴ്‌സണ്‍ സ്ഥാനത്തേക്ക് എസ്.എഫ്.ഐ. സ്ഥാനാര്‍ഥിയാക്കിയായിരുന്നു. എന്നാല്‍, കെ.എസ്.യു അക്രമം അഴിച്ചുവിട്ടതിനാല്‍ അന്ന് തിരഞ്ഞെടുപ്പ് നടന്നില്ല.