റോഡിൽ ഓടിക്കാൻ അനുമതിയില്ല, പഞ്ചാബ് വഴി കോഴിക്കോട്ടെത്തിയ ഇന്ത്യൻ ആർമിയുടെ കരുത്തൻ

സോവിയറ്റ് യൂണിയനിൽ നിർമിച്ച 6x6 മിലിട്ടറി/ഓഫ്-റോഡ് ട്രക്കാണ് KrAZ-255 (ക്രാസ്-255). കഠിനമായ ഭൂപ്രദേശങ്ങളിലും വലിയ ഭാരം വഹിക്കാനും പ്രാപ്തിയുള്ള ഈ വാഹനം ഇന്ത്യൻ സൈന്യവും ഉപയോഗിച്ചിരുന്നു. 14.9 ലിറ്റർ V8 ഡീസൽ എൻജിനാണ് ഇതിലുള്ളത്. ഏകദേശം 240 എച്ച്പി കരുത്താണ് ഈ എൻജിൻ ഉത്പാദിപ്പിക്കുന്നത്. ഏകദേശം 12 ടൺ ഭാരമുള്ള ഈ ട്രക്കിന് 7.5 ടൺ വരെ ഭാരം വഹിക്കാനുള്ള ശേഷിയുണ്ട്. ഇന്ത്യൻ സൈന്യം ഉപയോഗിച്ചിരുന്ന KrAZ-255 ട്രക്ക്, എരഞ്ഞിപ്പാലത്തുള്ള മൈത്രി ക്രെയിൻ സർവീസ് ഉടമ ഫർഹാൻ ആണ് പഞ്ചാബിൽനിന്ന് കോഴിക്കോട്ട് എത്തിച്ചത്.

Content Highlights: made in Soviet Union KrAZ-255 indian army truck