സമയത്തെ ചൊല്ലിയുള്ള തര്‍ക്കം ; ബസ് ജീവനക്കാരെ മര്‍ദ്ദിച്ചതായി പരാതി
കോഴിക്കോട് : സമയത്തെ ചൊല്ലിയുള്ള തര്‍ക്കത്തെത്തുടര്‍ന്ന് ബസ് ജീവനക്കാരെ മര്‍ദ്ദിച്ചതായി പരാതി. ഞായറാഴ്ച വൈകിട്ട് 5.30 ഓടെയാണ് സംഭവം. താമരശ്ശേരി പഴയ സ്റ്റാന്റിനു സമീപം വെച്ചാണ് സ്വകാര്യ ബസിനുള്ളില്‍ കയറി കണ്ടക്ടര്‍ അടക്കമുള്ള ജീവനക്കാരെ മറ്റൊരു ബസ്സിലെ ജീവനക്കാര്‍ ചേര്‍ന്ന് മര്‍ദ്ദിച്ചത്.
താമരശ്ശേരി അടിവാരം റൂട്ടില്‍ സര്‍വ്വീസ് നടത്തുന്ന സുല്‍ത്താന്‍ എന്ന ബസിലെ ജീവനക്കാര്‍ ചേര്‍ന്ന് കണ്ണപ്പന്‍ക്കുണ്ട് - കോഴിക്കോട് റൂട്ടില്‍ സര്‍വീസ് നടത്തുന്ന അസീം ബസിലെ ജീവനക്കാരെ മര്‍ദ്ദിച്ചെതെന്നാണ് പരാതി.