ഹരിയാനയിൽ തേനീച്ചകളുടെ ആക്രമണം; സിഐഎസ്എഫ് ജവാന്മാരുൾപ്പെടെ ആറ് പേർക്ക് പരിക്ക്

ഹരിയാനയിൽ സെക്രട്ടറിയേറ്റിന് മുന്നിൽ ഒരു കൂട്ടം തേനീച്ചകൾ ഉദ്യോ​ഗസ്ഥരെ ആക്രമിച്ചു. നാല് സിഐഎസ്എഫ് ജവാന്മാരുൾപ്പെടെ ആറ് പേർക്ക് ആക്രമത്തിൽ പരിക്കേറ്റു. തിങ്കളാഴ്ചയായിരുന്നു സംഭവം. ഗുരുതരമായി പരിക്കേറ്റ ഒരു ജവാനെ ചികിത്സയ്ക്കായി ചണ്ഡീഗഡിലെ എംഎൽഎ ഹോസ്റ്റൽ ഡിസ്പെൻസറിയിലേക്ക് കൊണ്ടുപോയി. തേനീച്ചകൾ ആക്രമിക്കാൻ സാധ്യതയുണ്ടെന്ന് നേരത്തെ പരാതികൾ നൽകിയിരുന്നെങ്കിലും യാതൊരു നടപടിയും സ്വീകരിച്ചിരുന്നില്ല.