റോഡിലൂടെ നടന്ന് ഗോവിന്ദച്ചാമി, ആരും കണ്ടില്ല; ജയിൽ ചാടുന്നതിൻ്റെ പുതിയ ദൃശ്യം പുറത്ത്

കണ്ണൂർ: കൊടുംകുറ്റവാളി ഗോവിന്ദച്ചാമിയുടെ പുതിയ സിസിടിവി ദൃശ്യം പുറത്ത്. പുലർച്ചെ 5.55നുള്ള ദൃശ്യമാണ് ഇപ്പോൾ പുറത്തുവന്നത്. ജയിൽ ചാടിയതിന് ശേഷം റോഡിൽ കൂടി പള്ളിക്കുന്ന് ഭാ​ഗത്തുകൂടെ നടന്നുപോകുന്നതാണ് ദൃശ്യങ്ങളിൽ. കൈപ്പത്തി ഒളിപ്പിക്കാൻ തലയിലുള്ള കൈട്ടിൽ പൂഴ്ത്തിവെച്ചിരിക്കുന്നതും കാണാം. തൊട്ടടുത്തു കൂടെ വാഹനങ്ങളടക്കം പോകുന്നുണ്ടെങ്കിലും അവയിൽ കയറാൻ കൂട്ടാക്കാതെ നടന്നു പോകുന്നതും കാണാം.

രാത്രി 1.14നാണ് ഇയാൾ ജയിൽ ചാടിയത്. ഈ ദൃശ്യങ്ങൾ നേരത്തെ പുറത്തുവന്നിരുന്നു. തുടർന്ന് ജയിൽ വളപ്പിൽ ഏറെ നേരം ചിലവഴിച്ച ശേഷം മതിൽച്ചാടി പുറത്തെത്തുകയായിരുന്നു. 4.15 ഓടെ പുറത്തെത്തിയതെന്നാണ് വിവരം.