പിന്തുണയ്ക്ക് നന്ദി, വിവാദം നീട്ടികൊണ്ടുപോകുന്നതിൽ താൽപര്യമില്ല - ആസിഫ് അലി

രമേശ് നാരായണന്‍-ആസിഫ് അലി വിവാദത്തില്‍ തനിക്ക്  ഒരു വിഷമമോ പരിഭവമോ ഉണ്ടായിട്ടില്ലെന്ന് നടൻ ആസിഫ് അലി. ആ അവസരത്തിൽ അദ്ദേഹം അനുഭവിച്ചുകൊണ്ടിരുന്ന ഏതെങ്കിലും രീതിയിലുള്ള പിരിമുറുക്കത്തെ തുടർന്നായിരിക്കണം അങ്ങനെ ചെയ്തത്. ഒരുപാട് പ്രശ്നങ്ങളുടെ ഇടയിലായിരുന്നു അദ്ദേഹം ഉണ്ടായിരുന്നത്. ഈ വിഷയം വേറെയൊരു തലത്തിലേക്ക് പോകരുത്. ഞാനിന്ന് രാവിലെ അദ്ദേഹവുമായി ഫോണിൽ സംസാരിക്കുമ്പോൾ അദ്ദേഹത്തിന്റെ ശബ്ദം ഇടറുന്നുണ്ടായിരുന്നു. അതിൽ എനിക്ക് ഒരുപാട് വിഷമമുണ്ട്. എനിക്ക് പിന്തുണ നൽകിയതിൽ നന്ദിയും സന്തോഷവുമുണ്ട്. പക്ഷേ അദ്ദേഹ​ത്തിനെതിരെ ഒരു വിദ്വേഷപ്രചരണം ഉണ്ടാവുന്നതിനോടും വിവാദം നീട്ടികൊണ്ടുപോകുന്നതിനോടും എനിക്ക് താത്പര്യമില്ല. അദ്ദേഹം മനപൂർവ്വം അ​ങ്ങനെ ചെയ്യുമെന്ന് വിചാരിക്കുന്നില്ലെന്നും ആസിഫ് പറഞ്ഞു. 

Content Highlights: asif ali first comments on ramesh narayanan controversy