വഖഫ് ബില്ലിനെതിരായ നിലപാട് ജനവിരുദ്ധം; സംസ്ഥാനത്തെ വിമര്‍ശിച്ച് അനില്‍ ആന്റണി | വീഡിയോ
ന്യൂഡല്‍ഹി: വഖഫ് ഭേദഗതി ബില്ലിനെതിരെ സംസ്ഥാന സര്‍ക്കാര്‍ ഏകകണ്‌ഠേനപാസാക്കിയ പ്രേമേയത്തിനെതിരെ ബി.ജെ.പി. ദേശീയ സെക്രട്ടറി അനില്‍ ആന്റണി. കോൺഗ്രസും സി.പി.എമ്മും ചേര്‍ന്നെടുത്തിരിക്കുന്നത് ജനവിരുദ്ധ നിലപാടാണെന്ന് അദ്ദേഹം ഡല്‍ഹിയില്‍ വാര്‍ത്താ ഏജന്‍സിയോട് പറഞ്ഞു.
അനില്‍ ആന്റണിയുടെ വാക്കുകള്‍:
സ്വന്തമായി അധ്വാനിച്ചുണ്ടാക്കിയ പണംകൊണ്ട് പാവപ്പെട്ട മത്സ്യത്തൊഴിലാളികള്‍ വാങ്ങിയ സ്ഥലത്തിന് വഖഫ് ബോര്‍ഡ് അവകാശവാദം ഉന്നയിച്ച് രംഗത്തെത്തിയിരിക്കുകയാണ്. ഇത്തരത്തില്‍ 600-ലേറെ കുടുംബങ്ങളുടെ സ്വത്തിലാണ് വഖഫ് ബോര്‍ഡ് അവകാശവാദം ഉന്നയിക്കുന്നത്. കേരളത്തില്‍ ഉടനീളം ഇത്തരം സംഭവങ്ങള്‍ ശ്രദ്ധയില്‍പ്പെട്ടിട്ടുണ്ട്. ഇന്ത്യയില്‍ ഉടനീളം ഇത്തരം ലക്ഷക്കണക്കിന് സംഭവമുണ്ടായിട്ടുണ്ട്.