കയ്യൂരിന്റെ ജ്വലിക്കുന്ന ഓര്മ്മകള്ക്ക് 79 വയസ്
ബ്രിട്ടീഷ് ഭരണത്തിനും അതിന്റെ തണലില് വളര്ന്ന ജന്മികളുടെ ചൂഷണത്തിനും എതിരായി കേരളത്തില്നടന്ന ഐതിഹാസിക പോരാട്ടമാണ് കയ്യൂര് സമരം. സമരത്തിന്റെ തുടര്ച്ചയായി നാലു സാധാരണക്കാരെ ബ്രിട്ടീഷുകാര് തൂക്കിക്കൊന്നു. മഠത്തില് അപ്പു, പൊടോര കുഞ്ഞമ്പു നായര്, കോയിത്താറ്റില് ചിരുകണ്ഠന്, പള്ളിക്കല് അബൂബക്കര് എന്നിവരെയാണ് തൂക്കിലേറ്റിയത്. ചൂരിക്കാടന് കൃഷ്ണന്നായരെയും വധശിക്ഷയ്ക്ക് വിധിച്ചെങ്കിലും പ്രായപൂര്ത്തിയാകാത്തതു കൊണ്ട് ദുര്ഗുണപരിഹാര പാഠശാലയിലേക്കയച്ചു. അഞ്ചു വര്ഷം തടവ്.
ഇടതു ചരിത്രത്തിലെ ആ ഐതിഹാസിക പോരാട്ടത്തിന് ഇന്ന് 79 വയസ്.