ഇടുക്കി കാണാനെത്തുന്നവർക്ക് കിടിലൻ താമസ സൗകര്യവുമായി വാട്ടർ അതോറിറ്റി, രണ്ട് ഗസ്റ്റ് ഹൗസുകൾ തയ്യാർ

സ‍ഞ്ചാരികളെ എന്നും ആകർഷിച്ചിട്ടേയുള്ളൂ ഇടുക്കി. പ്രത്യേകിച്ച് ഇടുക്കി ഡാം ഇന്നും സഞ്ചാരപ്രേമികൾക്ക് അദ്ഭുതമാണ്. കിടപ്പുമുറിയിലിരുന്ന് ചൂടുകോഫിയും കയ്യിൽപ്പിടിച്ച് ചെറുതോണി ഡാമിന്റെ മനോഹരമായ കാഴ്ചയിൽ അലിഞ്ഞാലോ? ഒപ്പം, ചെറുതോണിയിൽ ഇടുക്കി ഡാമിന്റെ മനംമയക്കുന്ന കാഴ്ചകളും കാണാം. അതല്ലെങ്കിൽ, ഇടുക്കി വന്യജീവി സങ്കേതത്തിന്റെ ഗാഢനിശബ്ദതയിൽ അന്തിയുറങ്ങാൻ പൈനാവിലേക്ക് യാത്ര പോയാലോ? രണ്ടിടത്തും സുഖപ്രദമായ താമസമൊരുക്കാൻ കേരള വാട്ട‍ർ അതോറിറ്റിയുടെ ഗസ്റ്റ് ഹൗസ് സജ്ജമായിരിക്കുകയാണ്.

ഈ മാസം ഒന്നുമുതൽ വാട്ട‍ർ അതോറിറ്റിയുടെ ഗസ്റ്റ് ഹൗസുകൾ സജ്ജമായിരിക്കുകയാണ്. ചെറുതോണിയിലും പൈനാവിലും വാട്ടർ അതോറിറ്റി രണ്ട് ഗസ്റ്റ് ഹൗസുകൾ പുതുതായി നിർമിച്ചിരിക്കുകയാണ്. പൊതുജനങ്ങൾക്ക് ഇടുക്കിയുടെ കാഴ്ചകളും കണ്ട് കുറഞ്ഞനിരക്കിൽ ഇവിടെ താമസിക്കാം.

വാട്ടർ അതോറിറ്റി ചെറുതോണി ഗസ്റ്റ് ഹൗസ് സൗകര്യങ്ങളും ദൈനംദിന നിരക്കും (രൂപയിൽ)

പൈനാവ് ഗസ്റ്റ് ഹൗസ് സൗകര്യങ്ങളും ദൈനംദിന നിരക്കും(രൂപയിൽ)

നിലവിൽ ഓൺലൈൻ ബുക്കിങ് സൗകര്യമില്ല. ബുക്കിങ്ങിനായി

• Phone: 8547638464
• Email: ibkwaidukki@gmail.com

ഇടുക്കിയിൽ എന്തെല്ലാം കാണാനുണ്ട്?

കേരളത്തിലെ പശ്ചിമഘട്ടത്തിൽ സ്ഥിതി ചെയ്യുന്ന ജില്ലയാണ് ഇടുക്കി. മനോഹരമായ മലനിരകൾ, നിബിഡ വനങ്ങൾ, അണക്കെട്ടുകൾ എന്നിവയാൽ ഇവിടം സമ്പന്നമാണ്. ജലവൈദ്യുത പദ്ധതികൾക്ക് പേരുകേട്ട ഈ ജില്ല പെരിയാർ, തലയാർ, തൊടുപുഴയാർ തുടങ്ങിയ നദികളാൽ അനുഗൃഹീതമാണ്.

ഇടുക്കിയിൽ എങ്ങനെ എത്താം?

സഞ്ചാരികൾക്ക് വിവിധ മാർഗ്ഗങ്ങളിലൂടെ ഇടുക്കിയിൽ എത്തിച്ചേരാം:

വിമാനമാർഗം: കൊച്ചി അന്താരാഷ്ട്ര വിമാനത്താവളമാണ് ഏറ്റവും അടുത്തുള്ള വിമാനത്താവളം. വിമാനത്താവളത്തിൽ നിന്ന് ഇടുക്കിയിലേക്ക് ഏകദേശം 104 കിലോമീറ്റർ ദൂരമാണുള്ളത്.

റെയിൽ മാർഗം: കോട്ടയം, ചങ്ങനാശേരി റെയിൽവേ സ്റ്റേഷനുകൾ വഴി ഇടുക്കിയിലേക്ക് വരാവുന്നതാണ്.

റോഡ് മാർഗം: ദേശീയപാത 49 (NH-49) വഴി ഇടുക്കി ജില്ലയിലേക്ക് സുഗമമായി എത്തിച്ചേരാം.
 

ഇടുക്കിയിലെ പ്രധാന കാഴ്ചകൾ

വൈവിധ്യമാർന്ന ട്രെക്കിംഗ് പാതകളും പ്രകൃതിദൃശ്യങ്ങളും ഇടുക്കി വാഗ്ദാനം ചെയ്യുന്നു:

1. മീശപ്പുലിമല: പശ്ചിമഘട്ടത്തിലെ രണ്ടാമത്തെ ഏറ്റവും ഉയർന്ന കൊടുമുടിയാണിത്. റോഡോ വാലിയിൽ നിന്നുള്ള 8 കിലോമീറ്റർ ട്രെക്കിംഗ് മഴക്കാടുകളിലൂടെയും പുൽമേടുകളിലൂടെയും നിങ്ങളെ മനോഹരമായ എട്ട് കുന്നുകളുടെ മുകളിലെത്തിക്കും.

2. രാമക്കൽമേട്: പശ്ചിമഘട്ടത്തിന്റെ വിശാലമായ ദൃശ്യങ്ങളും അയൽസംസ്ഥാനമായ തമിഴ്‌നാട്ടിലെ ഗ്രാമങ്ങളുടെ കാഴ്ചകളും ഇവിടെ നിന്ന് കാണാം. ഇവിടുത്തെ കുറവൻ - കുറത്തി പ്രതിമകൾ പ്രധാന ആകർഷണമാണ്.

3. പാഞ്ചാലിമേട്: ലഘുവായ ഹൈക്കിംഗിന് അനുയോജ്യമായ സ്ഥലമാണിത്. ഇവിടെ നടപ്പാതകൾ, കഫറ്റീരിയ, ശുചിമുറികൾ, വീൽചെയർ സൗകര്യം എന്നിവ ലഭ്യമാണ്.

4. ഇടുക്കി ഡാം: കുറവൻ, കുറത്തി മലകൾക്കിടയിലുള്ള ഈ പ്രശസ്തമായ ആർച്ച് ഡാമിൽ 3 മണിക്കൂർ നീളുന്ന ബോട്ട് യാത്ര ആസ്വദിക്കാം. വന്യമൃഗങ്ങളെയും പക്ഷികളെയും കാണാനുള്ള അവസരവും ഇവിടെയുണ്ട്.

5. ചതുരംഗപ്പാറ: 24 മണിക്കൂറും സന്ദർശകർക്കായി തുറന്നിരിക്കുന്ന ഈ വ്യൂ പോയിന്റ് മനോഹരമായ സൂര്യോദയ - അസ്തമയ കാഴ്ചകൾക്ക് പേരു കേട്ടതാണ്.

6. അഞ്ചുരുളി വെള്ളച്ചാട്ടം: ഇരട്ടയാർ ഡാമിൽ നിന്നുള്ള 5.5 കിലോമീറ്റർ നീളമുള്ള തുരങ്കമാണ് ഇവിടുത്തെ പ്രധാന പ്രത്യേകത. സാഹസിക പ്രിയർക്ക് ഇവിടം വളരെ പ്രിയപ്പെട്ടതാണ്.

7. മൂന്നാർ: 'ദക്ഷിണേന്ത്യയുടെ കാശ്മീർ' എന്നറിയപ്പെടുന്ന മൂന്നാർ തേയിലത്തോട്ടങ്ങളാലും മലനിരകളാലും മനോഹരമാണ്. 12 വർഷത്തിലൊരിക്കൽ പൂക്കുന്ന നീലക്കുറിഞ്ഞിയാണ് ഇവിടുത്തെ മറ്റൊരു ആകർഷണം.

8. വാഗമൺ: പുൽമേടുകളും കോടമഞ്ഞും നിറഞ്ഞ വാഗമണ്ണിൽ പാരഗ്ലൈഡിംഗ്, റോക്ക് ക്ലൈമ്പിങ് തുടങ്ങിയ സാഹസിക വിനോദങ്ങളിൽ ഏർപ്പെടാം.

9. തൊമ്മൻകുത്ത് വെള്ളച്ചാട്ടം: ഏഴ് നിലകളിലായുള്ള ഈ വെള്ളച്ചാട്ടം ട്രെക്കിംഗിനും ഫിഷിംഗിനും ബോട്ടിംഗിനും അനുയോജ്യമായ സ്ഥലമാണ്.

10. തേക്കടി: പെരിയാർ വന്യജീവി സങ്കേതം സ്ഥിതി ചെയ്യുന്ന ഇവിടെ ബോട്ടിംഗിലൂടെയും ബാംബൂ റാഫ്റ്റിംഗിലൂടെയും ആനകളെയും കടുവകളെയും കാണാൻ സാധിക്കും.

Content Highlights: Boosting Idukki tourism, the Kerala Water Authority (KWA) has officially opened two brand-new, budget-friendly guest houses in Cheruthoni and Painavu. Starting at an affordable price of just ₹750 per night, travelers can now enjoy stunning views of the Cheruthoni and Idukki arch dams or immerse themselves in the deep tranquility of the Idukki Wildlife Sanctuary without burning a hole in their pockets.