ദേശീയ ഗെയിംസ്: ജിംനാസ്റ്റിക്സില് കേരളത്തിന് രണ്ടുവെള്ളിയും ഒരു വെങ്കലവും
ഹല്ദ്വാനി: ഉത്തരാഖണ്ഡ് ദേശീയ ഗെയിംസില് ജിംനാസ്റ്റിക്സില് കേരളത്തിന് മൂന്നുമെഡലുകള്. രണ്ടുവെള്ളിയും ഒരു വെങ്കലവുമാണ് ജിംനാസ്റ്റിക്സില് കേരളം ചൊവ്വാഴ്ച സ്വന്തമാക്കിയത്.
ആക്രോബാറ്റിക് ജിംനാസ്റ്റിക്സില് പുരുഷന്മാരുടെ ഗ്രൂപ്പ് വിഭാഗത്തിലും മിക്സഡ് വിഭാഗത്തിലുമാണ് കേരളം വെള്ളി നേടിയത്. ഫസല് ഇംതിയാസ്, പാര്വതി ബി.നായര് എന്നിവരുടെ ടീമാണ് മിക്സഡ് വിഭാഗത്തില് വെള്ളി നേടിയത്. മുഹമ്മദ് അജ്മല്, മുഹമ്മദ് സഫാന്, സാത്വിക്, ഷിറില് റുമാന് എന്നിവരടങ്ങിയ ടീമായിരുന്നു ഗ്രൂപ്പ് വിഭാഗത്തില് വെള്ളി സ്വന്തമാക്കിയത്. ജിംനാസ്റ്റിക്സില് വിമന്സ് പെയര് വിഭാഗത്തില് ലക്ഷ്മി ബി.നായര്, പൗര്ണമി ഋഷികുമാര് എന്നിവരുടെ ടീമാണ് വെങ്കലമെഡല് നേടിയത്.
Content Highlights: 38th national games kerala won three medals in gymnastics