സൂപ്പര് താരം പോഗ്ബയുടെ സഹോദരന് ഫ്ളോറന്റീന് ഐ.എസ്.എല്ലില്, മോഹന് ബഗാന് വേണ്ടി കളിക്കും
പനാജി: ഫ്രാന്സിന്റെയും യുവന്റസിന്റെയും സൂപ്പര് താരം പോള് പോഗ്ബയുടെ സഹോദരന് ഫ്ളോറന്റീന് പോഗ്ബ ഇന്ത്യന് സൂപ്പര് ലീഗിലെത്തുന്നു. എ.ടി.കെ മോഹന് ബഗാനാണ് ഫ്ളോറന്റീന് പോഗ്ബയെ സ്വന്തമാക്കിയത്.
രണ്ടുവര്ഷത്തെ കരാറിലാണ് ഫ്ളോറന്റീന് ഐ.എസ്.എല്ലിലെത്തുന്നത്. ഫ്രഞ്ച് ലീഗില് എഫ്.സി സോച്ചൗക്സ് മോണ്ട്ബെലിയാര്ഡിനുവേണ്ടി കളിച്ച ഫ്ളോറന്റീന് ഉടന് തന്നെ മോഹന് ബഗാനൊപ്പം ചേരും.
32 കാരനായ ഫ്ളോറന്റീന് പ്രതിരോധതാരമാണ്. ഗിനിയയില് ജനിച്ച ഫ്ളോറന്റീന് പിന്നീട് ഫ്രാന്സിലേക്ക് ചേക്കേറുകയായിരുന്നു. 2010-ല് സി.എസ് സെഡാന് വേണ്ടി കളിച്ചാണ് താരം പ്രഫഷണല് ഫുട്ബോള് രംഗത്ത് പ്രവേശിക്കുന്നത്.
മലയാളി താരം ആഷിഖ് കുരുണിയന് ശേഷം മോഹന് ബഗാന് ടീമിലെത്തിക്കുന്ന താരമാണ് ഫ്ളോറന്റീന്. ഗിനിയ ദേശീയ ടീമിലും കളിച്ച താരമാണ് ഫ്ളോറന്റീന്.
Content Highlights: isl 2023, paul pogba, florentin pogba, atk mohun bagan, isl signings, indian super league