കാര്യവട്ടത്ത് ടോസ് നേടി ഇന്ത്യ; വെസ്റ്റ് ഇൻഡീസിനെ ബാറ്റിങ്ങിന് വിട്ടു, നമൻ ധിറിന് അരങ്ങേറ്റം

തിരുവനന്തപുരം: വെസ്റ്റ് ഇൻഡീസിനെതിരായ ഒന്നാം ഏകദിനത്തിൽ ടോസ് നേടിയ ഇന്ത്യ ബൗളിങ് തിരഞ്ഞെടുത്തു. 2027-ലെ ലോകകപ്പിനുള്ള ടീമിനെ സജ്ജമാക്കുന്നതിന്റെ ആദ്യപടികൂടിയാണ് മൂന്നുകളികളുടെ പരമ്പര. നമൻ ധിർ ഇന്ത്യയ്ക്കായി അരങ്ങേറ്റം കുറിച്ചു. ലോകകപ്പിനുമുൻപ് ഇന്ത്യൻ ടീം ഇനി 14 ഏകദിന മത്സരങ്ങളിൽ മാത്രമാണ് കളിക്കുന്നത്. രോഹിത് ശർമ-വിരാട് കോലി എന്നിവർക്കൊപ്പം ക്യാപ്റ്റൻ ശുഭ്മൻ ഗില്ലിനും പരിശീലകൻ ഗൗതം ഗംഭീറിനും വെല്ലുവിളിയുയർത്തുന്ന പരമ്പരയാണിത്.

ലോകകപ്പിനുശേഷം ഇരുവരും വിരമിച്ചേക്കുമെന്ന് വിലയിരുത്തലുള്ളതിനാൽ രോ-കോ സഖ്യത്തിന്റെ കേരളത്തിലെ അവസാന ഏകദിന മത്സരമായിരിക്കും ഞായറാഴ്ചത്തേത്. 12 കളിയിൽ ഇന്ത്യയെ നയിച്ച ഗില്ലിന് ഇതുവരെ ആറുവീതം ജയപരാജയങ്ങളാണ് ഉണ്ടായിട്ടുള്ളത്.

ഇന്ത്യൻ ടീം: രോഹിത് ശർമ, ശുഭ്മാൻ ഗിൽ, വിരാട് കോലി, ഋതുരാജ് ഗെയയ്ക്‌വാദ്, കെ.എൽ രാഹുൽ, നമൻ ധിർ, രവീന്ദ്ര ജഡേജ, നിതീഷ് കുമാർ റെഡ്ഡി, ഗൂർണൂർ ബ്രാർ, കുൽദീപ് യാദവ്, പ്രസിദ് കൃഷ്ണ.

Content Highlights: India won the toss and chose to bowl first against West Indies in Karyavattom., This 3-match series is part of preparations for the 2027 World Cup., Playing XI includes Rohit Sharma, Virat Kohli, and captain Shubman Gill.