ഗോവന്‍ ബീച്ചില്‍ തിരമാലകളോട് കഥ പറഞ്ഞ് ശ്രിയയും മകളും

മകളോടൊപ്പമുള്ള ഓരോ നിമിഷവും ആസ്വദിക്കുന്ന വ്യക്തിയാണ് നടി ശ്രിയ ശരണ്‍. ഗോവയില്‍ അവധിക്കാലം ആഘോഷിക്കാന്‍ പോയപ്പോള്‍ ശ്രിയയോടൊപ്പം മകള്‍ രാധയുമുണ്ടായിരുന്നു. ബീച്ചില്‍ നിന്ന് രാധയോടൊപ്പമുള്ള ചിത്രങ്ങളും ശ്രിയ ഇന്‍സ്റ്റഗ്രാമില്‍ പങ്കുവെച്ചു. 

രാധയ്‌ക്കൊപ്പം പിങ്ക് നിറത്തിലുള്ള സിം സ്യൂട്ടിലായിരുന്നു ശ്രിയ ഗോവന്‍ ബീച്ചില്‍ ഉല്ലസിച്ചത്. ഭര്‍ത്താവ് ആന്‍ഡ്രേയ കൊശ്ചീവും ഒപ്പമുണ്ടായിരുന്നു. ശ്രിയയുടെ വിവിധ ഭാവങ്ങള്‍ ക്യാമറയിലാക്കിയത് ആന്‍ഡ്രേയ കൊശ്ചീവാണ്. 

കഴിഞ്ഞ ജനുവരിയിലായിരുന്നു ശ്രിയയുടെ മകള്‍ രാധയുടെ ഒന്നാം പിറന്നാള്‍. റഷ്യന്‍ സ്വദേശിയായ കൊശ്ചീവുമായുള്ള ശ്രിയയുടെ വിവാഹം 2018 മാര്‍ച്ചിലാണ് നടന്നത്. പിന്നീട് ശ്രിയ സിനിമയില്‍ നിന്ന് മാറി നിന്നിരുന്നു. 2017-ല്‍ റിലീസ് ചെയ്ത തെലുങ്ക് ചിത്രം ഗൗതമപുത്രയക്ക് ശേഷമാണ് താരം സിനിമാ ജീവിതത്തിന് ഇടവേള നല്‍കിയത്. 

ഈ ഇടവേളകളിലെല്ലാം ശ്രിയ കുടുംബത്തോടൊപ്പം യാത്രകളിലായിരുന്നു. തിരുവനന്തപുരത്ത് കുടുംബത്തോടൊപ്പമെത്തിയ ശ്രിയയുടെ ചിത്രങ്ങള്‍ വൈറലായിരുന്നു. 

Content Highlights: shriya saran enjoys holiday in goa with daughter radha