ആരായിരുന്നു ആ മുഖംമൂടി?, ചിത്രയ്ക്ക് ഇന്നും അറിയില്ല ആ രഹസ്യം

കൂടെപ്പാടിയ പാട്ടുകാർ നൂറുകണക്കിന് വരും; യേശുദാസും എസ് പി ബാലസുബ്രഹ്മണ്യവും ഭൂപീന്ദർ സിംഗും തൊട്ട് ഉസ്താദ് സുൽത്താൻ ഖാൻ  വരെ. അക്കൂട്ടത്തിൽ ഇന്നുവരെ ചിത്രയ്ക്ക് "പിടികൊടുക്കാത്ത" ഒരൊറ്റയാളെ ഉള്ളൂ: "വൂഡൂ റാപ്പർ."  

പേര് പോലെ ദുരൂഹമായിരുന്നു ആളുടെ രൂപഭാവങ്ങളും. മ്യൂസിക് വീഡിയോയുടെ ചിത്രീകരണത്തിനായി ഗായകൻ ഹാജരായത് മുഖം മൂടി ധരിച്ച്.  ഒപ്പം നിന്നാണ് പാടുന്നതെങ്കിലും ആളുടെ മുഖം കാണാൻ ഒരു വഴിയുമില്ല. "ഷൂട്ടിംഗ് തീരും വരെ മുഖംമൂടി അഴിച്ചില്ല അദ്ദേഹം. പാടിക്കഴിഞ്ഞ ഉടൻ സ്ഥലം വിടുകയും ചെയ്തു." -- ചിത്ര പറയുന്നു. "ഇന്നും എനിക്കറിയില്ല അതാരായിരുന്നുവെന്നോ അദ്ദേഹത്തിന്റെ യഥാർത്ഥ പേര് എന്തെന്നോ. ജീവിതത്തിൽ അത്തരമൊരനുഭവം നടാടെ."

Content Highlights: ks chithra voodu rapper ragga raaga music album ravi menon writes