ശിശുമരണ നിരക്ക് ഏറ്റവും കുറഞ്ഞ നിലയിൽ; പുതിയ വെല്ലുവിളികള്‍ എങ്ങനെ പരിഹരിക്കും?
കേരളം ലോകാരോഗ്യരംഗത്ത് ശ്രദ്ധേയമായ ഒരു ചരിത്രനേട്ടം കൈവരിച്ചു. ശിശുമരണ നിരക്ക് ചരിത്രത്തിലെ തന്നെ ഏറ്റവും കുറഞ്ഞ നിരക്കിലെത്തി. സംസ്ഥാനത്തിന്റെ ശിശുമരണനിരക്ക് (Infant Mortality Rate - IMR) ഇപ്പോൾ ആയിരം പ്രസവങ്ങളിൽ അഞ്ച് മാത്രമാണ്. സ്ത്രീകളുടെ വിദ്യാഭാസത്തിന്റെ പുരോഗതിയും ഗ്രാമീണ ആരോഗ്യ പ്രവർത്തകരും സംയുക്തമായി രചിച്ചതാണ് കേരളത്തിന്റെ ഈ വിജയഗാഥ.
ഇക്കാര്യത്തിൽ അമേരിക്ക(5.6) ഉൾപ്പെടെ പല വികസിത രാജ്യങ്ങളെയും മറികടന്നും യൂറോപ്പിലെ പല ക്ഷേമരാജ്യങ്ങളുമായി താരതമ്യം ചെയ്യാവുന്നതുമായ നിലയിലേക്ക് കേരളം എത്തിയിരിക്കുന്നു. ഫിൻലാൻഡ്, ഐസ്ലാൻഡ്, നോർവേ തുടങ്ങിയ സ്‌കാൻഡിനേവിയൻ രാജ്യങ്ങളേയും ജപ്പാൻ, സിംഗപ്പൂർ തുടങ്ങിയ രാജ്യങ്ങളേയും ആണ് ഇനി കേരളത്തിന് മറികടക്കാനായി ഉള്ളത്. ഇവിടങ്ങളിലെ ശിശുമരണ നിരക്ക് ഏകദേശം ആയിര പ്രസവങ്ങളിൽ രണ്ടിനടുത്താണ്. എങ്കിലും ജപ്പാൻ ഒഴികെ മറ്റുരാജ്യങ്ങളുടെ ജനസംഖ്യ കൂടി കണക്കിൽ എടുക്കുമ്പോൾ വികസ്വര രാജ്യങ്ങളുടെ കൂട്ടത്തിൽ വരുന്ന ഒരു ചെറിയ സംസ്ഥാനത്തിന് ഇത് അതുല്യ നേട്ടമാണ്.
Content Highlights: Keralas Infant Mortality Rate A Model for Global Health