റംസാൻ: മസ്‌കറ്റിൽ പാർക്കുകളുടെ സമയം പുനഃക്രമീകരിച്ചു

മസ്‌കറ്റ്: ഒമാനിലെ മസ്‌കറ്റ് ഗവർണറേറ്റിലെ പൊതുപാർക്കുകളുടെ പ്രവർത്തന സമയത്തിൽ നഗരസഭ മാറ്റം വരുത്തി. വിശുദ്ധ റംസാൻ മാസത്തോടനുബന്ധിച്ച് താത്കാലികമായാണ് സമയ മാറ്റം.

ശനിയാഴ്ച മുതൽ ബുധനാഴ്ച വരെ വൈകീട്ട് നാലുമണി മുതൽ രാത്രി 12 മണി വരേയും വ്യാഴം, വെള്ളി ദിവസങ്ങളിൽ വൈകീട്ട് നാലുമണി മുതൽ പുലർച്ചെ ഒരുമണി വരേയും പാർക്കുകൾ തുറന്നുപ്രവർത്തിക്കും. നോമ്പുതുറയ്ക്ക് ശേഷം പാർക്കുകൾ സന്ദർശിക്കാനുള്ള വിശ്വാസികളുടെയും താമസക്കാരുടേയും സൗകര്യം കണക്കിലെടുത്താണ് പുതിയ സമയക്രമമെന്ന് മസ്‌കറ്റ് നഗരസഭ വ്യക്തമാക്കി.

Content Highlights: Ramadan Hours Shift: Muscat Public Parks Adjust Timings for Iftar and Evening Visits