കൊളറാഡോ സ്പ്രിംഗ്സിലെ സ്കൂളുകളിൽ കൂട്ടവെടിവെപ്പിന് പദ്ധതിയിട്ട 19 കാരി അറസ്റ്റിൽ

കൊളറാഡോ സ്പ്രിംഗ്സ്: കൊളറാഡോ സ്പ്രിംഗ്സിലെ ഒന്നിലധികം സ്കൂളുകളിൽ കൂട്ടവെടിവെപ്പിന് പദ്ധതിയിട്ട 19 കാരിയായ പ്രതിയെ കൊളറാഡോ അധികൃതർ അറസ്റ്റ് ചെയ്തതായി 18-ാമത് ജുഡീഷ്യൽ ഡിസ്ട്രിക്റ്റ് അറ്റോർണി ഓഫീസ് അറിയിച്ചു. പ്രതി വില്യം വിറ്റ്വർത്ത്  എന്ന്‌ തിരിച്ചറിഞ്ഞിട്ടുണ്ട്. വില്യം വിറ്റ്വർത്ത്  'ലില്ലി' എന്നപേരിൽ സ്ത്രീയായി മാറുന്ന പ്രക്രിയയിലാണെന്ന്  ഡി എ വക്താവ് അഭിപ്രായപ്പെട്ടു. 
കൊലപാതകം, ക്രിമിനൽ അക്രമം, ഭീഷണിപ്പെടുത്തൽ, വിദ്യാഭ്യാസ സ്ഥാപനങ്ങളിലെ ജീവനക്കാർ, ഫാക്കൽറ്റികൾ അല്ലെങ്കിൽ വിദ്യാർത്ഥികളോട് ഇടപെടൽ എന്നീ രണ്ട് കേസുകളാണ് വിറ്റ്വർത്തിനെതിരെ ചുമത്തിയിരിക്കുന്നത്.
ലഭ്യമായ  അറസ്റ്റ് സത്യവാങ്മൂലമനുസരിച്ച്, എൽബർട്ട് കൗണ്ടി ഷെരീഫിന്റെ ഓഫീസിലെ ഡെപ്യൂട്ടികൾ കഴിഞ്ഞ വെള്ളിയാഴ്ച എൽബർട്ട് ടൗണിലെ ഡബിൾ ട്രീ റാഞ്ച് സർക്കിളിന്റെ 13900 ബ്ലോക്കിൽ നിന്നും ലഭിച്ച സന്ദേശത്തെ തുടർന്നാണ് അന്വേഷണം ആരംഭിച്ചത്.
വില്യം വിറ്റ്വർത്ത് ഒരു സ്‌കൂളിന് നേരെ വെടിയുതിർക്കുമെന്ന് ഭീഷണിപ്പെടുത്തിയെന്നും ദേഷ്യപ്രശ്‌നങ്ങളുണ്ടെന്നും ഒരു കുടുംബാംഗം 911 ഡിസ്‌പാച്ചർമാരോട് പറഞ്ഞതായി റിപ്പോർട്ടുണ്ട്.
വിറ്റ്വർത്ത് ഉറങ്ങിക്കിടന്ന മുറിയിലേക്കാണ് പോലീസിനെ  അയച്ചതെന്ന് സത്യവാങ്മൂലത്തിൽ പറയുന്നു. മുറിയിൽ കിടക്കയോളം ഉയരത്തിൽ ചപ്പുചവറുകൾ നിറഞ്ഞിരുന്നു. ഭിത്തിയിൽ ദ്വാരങ്ങൾ ഉണ്ടായിരുന്നു. 
ചോദ്യം ചെയ്യലിൽ, ഒരു സ്കൂൾ വെടിവയ്പ്പ് ആസൂത്രണം ചെയ്തതായി വിറ്റ്വർത്ത് സമ്മതിച്ചു. മുൻ മിഡിൽ സ്കൂളായ ടിംബർവ്യൂ ഒരു 'പ്രധാന ലക്ഷ്യം' ആണെന്ന് സത്യവാങ്മൂലത്തിൽ പറയുന്നു.
സ്‌കൂളിന്റെ വരച്ച രൂപരേഖയും "സ്‌കീസോഫ്രീനിക് റാന്തുകൾ" നിറഞ്ഞ പ്രകടനപത്രികയും ഡെപ്യൂട്ടികൾ കണ്ടെത്തിയതായും, കൊളംബിൻ ഷൂട്ടർമാരും മുൻ പ്രസിഡന്റ് ട്രംപും കൂടാതെ സീരിയൽ കില്ലർമാർ, രാഷ്ട്രീയക്കാർ, വിനോദക്കാർ എന്നിവരെക്കുറിച്ചുള്ള പരാമർശങ്ങളും അറസ്റ്റ് പേപ്പറുകളിൽ ഉണ്ട്‌. വിറ്റ്വർത്തിന്റെ പ്രാഥമിക വാദം മെയ് 5-ന് ഷെഡ്യൂൾ ചെയ്തിട്ടുണ്ട്. ബോണ്ട് $75,000 ആയി നിശ്ചയിച്ചു.

വാർത്തയും ചിത്രവും: പി പി ചെറിയാൻ

Content Highlights: crime, mass shooting, Colorado Springs