ഇറ്റാലിയൻ അംബാസഡറെ സ്വീകരിച്ച് ഹമദ് രാജാവ്

മനാമ: ബഹ്‌റൈനിലെ ഇറ്റാലിയൻ അംബാസഡർ ആൻഡ്രിയ കറ്റാലാനോയെ രാജാവ് ഹമദ് ബിൻ ഈസ അൽ ഖലീഫ സ്വീകരിച്ചു. അംബാസഡറെ ഹമദ് രാജാവ് സ്വാഗതം ചെയ്യുകയും ഇരുരാജ്യങ്ങളും തമ്മിലുള്ള ദീർഘകാല പങ്കാളിത്തവും സഹകരണ മേഖലകളും അവലോകനം ചെയ്യുകയും ചെയ്തു. ബഹ്റൈൻ-ഇറ്റലി ബന്ധങ്ങളുടെ പുരോഗതിയെ അദ്ദേഹം അഭിനന്ദിച്ചു.

ഇരുരാജ്യങ്ങളുടെയും താൽപ്പര്യങ്ങൾക്ക് അനുസൃതമായി എല്ലാ മേഖലകളിലും സഹകരണം കൂടുതൽ ശക്തിപ്പെടുത്തുന്നതിനും വികസിപ്പിക്കുന്നതിനുമുള്ള രാജ്യത്തിന്റെ തുടർച്ചയായ പ്രതിബദ്ധതയെ അദ്ദേഹം സ്ഥിരീകരിച്ചു. ഉഭയകക്ഷി ബന്ധം മുന്നോട്ട് കൊണ്ടുപോകുന്നതിനുള്ള അംബാസഡറുടെ സമർപ്പിതശ്രമങ്ങളെയും ഹമദ് രാജാവ് പ്രശംസിക്കുകയും അദ്ദേഹത്തിന്റെ ചുമതലകളിൽ തുടർന്നും വിജയം ആശംസിക്കുകയും ചെയ്തു.

രണ്ട് സൗഹൃദ രാജ്യങ്ങൾ തമ്മിലുള്ള ബന്ധം ശക്തിപ്പെടുത്തുന്നതിനും വികസിപ്പിക്കുന്നതിനുമുള്ള അംബാസഡറുടെ ശ്രമങ്ങളെ അംഗീകരിച്ചുകൊണ്ട്, അദ്ദേഹത്തിന് ഓർഡർ ഓഫ് ബഹ്റൈൻ (ഫസ്റ്റ് ക്ലാസ്) നൽകി ഹമദ് രാജാവ് ആദരിച്ചു. ഈ ബഹുമതിക്ക് അംബാസഡർ കറ്റാലാനോ ആത്മാർഥമായ നന്ദിയും കടപ്പാടും രേഖപ്പെടുത്തി. ഈ ബഹുമതി ലഭിച്ചതിൽ അഭിമാനം പ്രകടിപ്പിച്ചു. ഇരു രാജ്യങ്ങളിലെയും ജനങ്ങളുടെ പ്രയോജനത്തിനും അഭിവൃദ്ധിക്കും വേണ്ടി ബഹ്റൈനും ഇറ്റലിയും തമ്മിലുള്ള ദീർഘകാല സൗഹൃദബന്ധങ്ങൾ ശക്തിപ്പെടുത്തുന്നതിനും അടുത്ത സഹകരണം മുന്നോട്ട് കൊണ്ടുപോകുന്നതിനുമുള്ള ഹമദ് രാജാവിന്റെ ശ്രമങ്ങളെയും പ്രതിബദ്ധതയെയും അദ്ദേഹം അഭിനന്ദിച്ചു.

Content Highlights: King Hamad received Italian Ambassador Andrea Catalano in Manama., Review of long-standing partnership and cooperation between Bahrain and Italy., Ambassador Catalano awarded the Order of Bahrain (First Class)., Commitment to strengthening bilateral relations for mutual prosperity.