സലാം മമ്പാട്ടുമൂലയെ കനോലി നിലമ്പൂര് കൂട്ടായ്മ ആദരിച്ചു
മനാമ: ജീവകാരുണ്യ സാമൂഹിക സേവന മികവിന് യൂറോപ്യന് ഡിജിറ്റല് യൂണിവേഴ്സിറ്റിയുടെ 'ഡോക്ടര് ഓഫ് എക്സലന്സ് ഇന് ഗ്ലോബല് ലീഡര്ഷിപ്പ് ആന്ഡ് മാനേജ്മെന്റ്' ബഹുമതി ലഭിച്ച കനോലി നിലമ്പൂര് കൂട്ടായ്മയുടെ സ്ഥാപക പ്രസിഡണ്ടും എക്സിക്യൂട്ടീവ് അംഗവുമായ ഡോ. സലാം മമ്പാട്ടുമൂലയെ കൂട്ടായ്മ ആദരിച്ചു.
ബി.എം.സി ഓഡിറ്റോറിയത്തില് നടന്ന ചടങ്ങില് പ്രസിഡന്റ് ഷബീര് മുക്കന് അധ്യക്ഷത വഹിച്ചു. ജനറല് സെക്രട്ടറി രജീഷ് ആര് പി സ്വാഗതം പറഞ്ഞു. അദീബ്, അനീസ് ബാബു, തസ്ലീം തെന്നാടന്, അന്വര് നിലമ്പൂര്, റസാഖ് കരുളായി, ആഷിഫ് വടപുറം, രാജേഷ് വി കെ, മനു തറയ്യത്ത്, ഷിബിന് തോമസ്, സുബിന് ദാസ്, അദീബ് ഷരീഫ് എന്നിവര് സന്നിഹിതരായിരുന്നു.
ട്രഷറര് ജംഷിദ് വളപ്പന് നന്ദി രേഖപെടുത്തി.
Content Highlights: Kannoli Nilambur`s Dr. Salam Mampaṭṭumūla receives the `Doctor of Excellence` award