ചോരയിൽ കുതിർന്ന് ഡ്യൂറണ്ട് രേഖ; ക്ഷമ നശിച്ച് പാകിസ്താന്റെ വ്യോമാക്രമണം; തിരിച്ചടിക്കാൻ താലിബാൻ

ഏതാനും മാസങ്ങളായി പുകഞ്ഞുകൊണ്ടിരിക്കുന്ന ഡ്യൂറൻഡ് രേഖയ്ക്ക് തീപിടിച്ചിരിക്കുന്നു. ബ്രിട്ടീഷ് ഭരണാധികാരിയായിരുന്ന സർ ഹെന്റി മോർട്ടിമർ ഡ്യൂറണ്ട് 1893-ൽ വരച്ചുചേർത്ത 2,640 കിലോമീറ്റർ ദൈർഘ്യമുള്ള അതിർത്തിരേഖയ്ക്ക് ഇന്ന് ചോരച്ചുവപ്പാണ്. അവിടെ നടക്കുന്നത് വെറും അതിർത്തിത്തർക്കങ്ങളല്ല, സമ്പൂർണ്ണ യുദ്ധമാണ്. കഴിഞ്ഞരാത്രി പാകിസ്താനി യുദ്ധവിമാനങ്ങൾ 22 ഇടങ്ങളിൽ ആക്രമണം നടത്തി. താലിബാനും ടിടിപിയുമായി ബന്ധപ്പെട്ട 274 പേരെ കൊന്നു, 73 താലിബാൻ സൈനികപോസ്റ്റുകൾ തകർക്കുകയും 18 എണ്ണം പിടിച്ചെടുക്കുകയും ചെയ്തു, 115-ലധികം ടാങ്കുകളും കവചിതവാഹനങ്ങളും മറ്റും തകർത്തു എന്ന് പാകിസ്താൻ. മൂന്നുമാസത്തിനിടെ മൂന്നാമത്തെ പാക് വ്യോമാക്രമണമാണിത്. കാര്യമായ നാശമുണ്ടായിട്ടില്ലെന്ന് താലിബാൻ.

അതിന് മണിക്കൂറുകൾക്ക് മുമ്പ്, താലിബാൻ സേന അതിർത്തിയിലെ പാകിസ്താനി പോസ്റ്റുകൾക്കു നേരെ വലിയ തോതിൽ കരയാക്രമണം ആരംഭിച്ചു; 19 പോസ്റ്റുകൾ പിടിച്ചെടുക്കുകയോ നശിപ്പിക്കുകയോ ചെയ്തുവെന്നും 55 പാക് സൈനികരെ കൊന്നു എന്നും അവർ അവകാശപ്പെട്ടു. അഫ്ഗാൻ ആക്രമണത്തിനു കാരണമായത് കഴിഞ്ഞ ഞായറാഴ്ച അഫ്ഗാനിസ്താനിലെ ടിടിപി (തെഹ്രീക്കെ താലിബാൻ പാകിസ്താൻ), ഐഎസ്‌കെപി (ഇസ്ലാമിക് സ്റ്റേറ്റ്- ഖൊറാസൻ പ്രവിശ്യ) താവളങ്ങൾക്കെതിരെ എന്ന പേരിൽ പാക് വ്യോമസേന നടത്തിയ ആക്രമണവും. നംഗർഹാർ, പക്തിക പ്രവിശ്യകളിൽ നടന്ന ആക്രമണത്തിൽ സ്ത്രീകളും കുട്ടികളുമടക്കം കുറഞ്ഞത് 18 പേർ കൊല്ലപ്പെട്ടെന്ന് താലിബാൻ പറഞ്ഞു.

Content Highlights: Pakistan conducts major airstrikes on TTP and Taliban targets in Afghanistan., The Durand Line border has become a full-fledged conflict zone with heavy casualties claimed by both sides., Pakistan issues an ultimatum to the Taliban to hand over TTP leaders or face missile strikes on Kabul., The conflict highlights Pakistan's severe internal crises, including economic turmoil and multiple insurgencies., Analyzes India's strategic position, its warming ties with the Taliban, and its military readiness.