രാഷ്ട്രീയനേട്ടത്തിന് ഇറാനെ വീണ്ടും ആക്രമിക്കാൻ ട്രംപിന്റെ മേൽ നെതന്യാഹുവിന്റെ സമ്മർദ്ദം

അമേരിക്കൻ പ്രസിഡന്റ് ഡൊണാൾഡ് ട്രംപ് സർവശക്തനായി തുടരുമോ, അതോ ശേഷിച്ച രണ്ടുവർഷം നിർണായകമായ അധികാരങ്ങളില്ലാത്ത രാഷ്ട്രത്തലവനായിരിക്കുമോ എന്നു നിശ്ചയിക്കുന്ന ഇടക്കാല തിരഞ്ഞെടുപ്പിനെ ഉറ്റുനോക്കുകയാണ് ലോകം. യുദ്ധം കാരണമുള്ള വിലക്കയറ്റവും മറ്റും കാരണം അസംതൃപ്തരായ അമേരിക്കൻ ജനത ട്രംപിന്റെ ചിറകുകളരിയാനാണ് സാധ്യത കൂടുതൽ. അതുണ്ടായാലും ഇല്ലെങ്കിലും നവംബർ മൂന്നിലെ വോട്ടെടുപ്പു കഴിയുന്നതോടെ ഇറാൻ യുദ്ധം പുതിയൊരു തലത്തിലേക്ക് എത്താൻ സാധ്യത ഏറെയാണ്.

ഇസ്രയേൽ തിരഞ്ഞെടുപ്പിൽ ഏറ്റവും വലിയ സഖ്യമായെങ്കിലും ഒറ്റയ്ക്കു ഭരിക്കാനുള്ള ഭൂരിപക്ഷമില്ലാത്ത ബെഞ്ചമിൻ നെതന്യാഹു സ്വന്തം നില ഭദ്രമാക്കാൻ ഇറാനെ ആക്രമിക്കാൻ ട്രംപിന്റെ മേൽ നിരന്തരം സമ്മർദ്ദം ചെലുത്തുകയാണെന്ന് പ്രശസ്ത അമേരിക്കൻ മാധ്യമപ്രവർത്തകൻ ടക്കർ കാൾസൺ എക്സിൽ അഭിപ്രായപ്പെട്ടത് ശ്രദ്ധേയമാണ്. ഒക്ടോബർ 31-ന് ഇരുവരും തമ്മിൽ നടന്ന ഫോൺ സംഭാഷണത്തിൽ നെതന്യാഹു ഈ ആവശ്യമുന്നയിച്ചപ്പോൾ ചർച്ചകൾ മുന്നോട്ടു കൊണ്ടുപോകാനാണ് ട്രംപ് മുൻഗണന നൽകിയതെന്ന് ആക്സിയോസ് റിപ്പോർട്ട് ചെയ്തു. സംഭാഷണം കടുപ്പമേറിയതായിരുന്നുവെന്ന് ഒരു ഇസ്രയേലി സ്രോതസ്സ് വിശേഷിപ്പിച്ചപ്പോൾ ഒളിവും മറവുമില്ലാത്ത ചർച്ച എന്നാണ് അമേരിക്കൻ ഭാഗത്തെ വ്യാഖ്യാനം.

Content Highlights: Benjamin Netanyahu is pressuring Donald Trump to launch a military strike on Iran to secure his political survival., The upcoming US midterm elections and inflation are critical factors influencing Trump's next moves regarding Iran., Qatar-mediated talks are attempting to reopen the Strait of Hormuz through a proposed two-day phased plan., Iran warns that any renewed US military action will lead to a longer and more devastating conflict.