തിരുവനന്തപുരം-കാസർകോട് വന്ദേഭാരതിനുനേരെ കല്ലേറ്; ചില്ലിന് കേടുപാടുകൾ, കേസെടുത്ത് റെയിൽവേ പോലീസ്

കൊച്ചി: കേരളത്തിൽ വന്ദേഭാരത് എക്സ്പ്രസിനുനേരെ വീണ്ടും കല്ലേറ്. ശനിയാഴ്ച രാത്രി തിരുവനന്തപുരത്തുനിന്ന് കാസർകോട്ടേക്ക് പോകുകയായിരുന്ന ട്രെയിനിന് നേരെയാണ് അക്രമം നടന്നത്. അങ്കമാലി- ആലുവ ഭാഗത്തുവെച്ചാണ് സംഭവം ഉണ്ടായതെന്ന് റെയിൽവേ പോലീസ് അറിയിച്ചു. കല്ലേറിൽ ട്രെയിനിന്റെ ഒമ്പതാമത്തെ കോച്ചിലെ ജനൽ ചില്ലിന് കേടുപാടുകൾ സംഭവിച്ചിട്ടുണ്ട്.

സംഭവത്തെത്തുടർന്ന് റെയിൽവേ പോലീസ് കേസെടുത്ത് അന്വേഷണം ആരംഭിച്ചു. അക്രമികളെ തിരിച്ചറിയുന്നതിനായി പ്രദേശത്തെ സിസിടിവി ദൃശ്യങ്ങൾ പോലീസ് ശേഖരിച്ചിട്ടുണ്ട്.

അന്വേഷണം ഊർജിതമാക്കിയതായും കുറ്റവാളികളെ ഉടൻ പിടികൂടുമെന്നും റെയിൽവേ പോലീസ് വ്യക്തമാക്കി. മുൻപും വന്ദേ ഭാരത് ട്രെയിനുകൾക്കുനേരെ സമാനമായ രീതിയിലുള്ള കല്ലേറുകൾ റിപ്പോർട്ട് ചെയ്തിരുന്നു.

Content Highlights: Recurring security incidents targeting Vande Bharat Express in Kerala., Recent attack occurred between Angamaly and Aluva., Damage reported to the window glass of the ninth coach., Railway police have initiated a formal investigation using CCTV footage.