പോലീസുകാരൻ ഭാര്യവീട്ടിൽ ജീവനൊടുക്കിയ നിലയിൽ; കുറ്റാന്വേഷണ മികവിനുള്ള മെഡൽ നേടിയ ഉദ്യോഗസ്ഥൻ

തിരുവനന്തപുരം: ആറ്റിങ്ങലിൽ പോലീസ് ഉദ്യോഗസ്ഥനെ ഭാര്യവീട്ടിൽ തൂങ്ങിമരിച്ച നിലയിൽ കണ്ടെത്തി. പോത്തൻകോട് സ്വദേശിയും വിജിലൻസ് ആൻഡ് ആന്റി കറപ്ഷൻസ് ബ്യുറോ മരുതുംകുഴി ഇൻസ്പെക്ടറും ആയിരുന്ന ബിനീഷ് ലാൽ (50) ആണ് മരിച്ചത്.

കുറ്റാന്വേഷണ മികവിനുള്ള 2025-ലെ കേന്ദ്ര ആഭ്യന്തരമന്ത്രിയുടെ 'കേന്ദ്രീയ ഗൃഹമന്ത്രി ദക്ഷത പദക്' മെഡൽ നേടി ഉദ്യോഗസ്ഥനാണ് ബിനീഷ്. ഭാര്യയുടെ വീടായ ഊരുപോയ്ക ബി.എസ്. ഭവനിൽ വീട്ടിലെ ഫാനിൽ തൂങ്ങിമരിച്ച നിലയിലാണ് മൃതദേഹം കണ്ടെത്തിയത്.

പോസ്റ്റ്മോർട്ടം നടപടികൾക്കായി മൃതദേഹം മെഡിക്കൽ കോളേജ് ആശുപത്രിയിലേക്ക് മാറ്റി. അഞ്ചുതെങ്ങ് പോലീസ് സ്റ്റേഷൻ എസ്.എച്ച്.ഒ. ആയി സേവനമനുഷ്ഠിച്ചിട്ടുണ്ട്. കാട്ടാക്കടയിലും ഇൻസ്‌പെക്ടറായി പ്രവർത്തിച്ചിട്ടുണ്ട്.

അഞ്ചുതെങ്ങിലെ പ്രമുഖമായ ക്രമിനൽ, അസ്വാഭാവിക മരണക്കേസുകളിൽ അദ്ദേഹം അന്വേഷണത്തിന് നേതൃത്വം നൽകിയിട്ടുണ്ട്. 

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. അത്തരം ചിന്തകളുളളപ്പോൾ 'ദിശ' ഹെൽപ് ലൈനിൽ വിളിക്കുക: 1056, 0471-2552056)

Content Highlights: A police officer, Bineesh Lal, was found dead at his wife's home in Attingal, Thiruvananthapuram. Bineesh, who was an inspector with the Vigilance and Anti-Corruption Bureau, had received the 2025 'Kendriya Griha Mantri Dakshata Padak' medal for investigative excellence. His body was moved to the Medical College Hospital for a post-mortem, and he had previously served as SHO at Anchuthengu police station and led investigations in major criminal cases.