പി.എം. ആർഷോയും കെ. വിദ്യയും വിവാഹിതരായി

കാഞ്ഞങ്ങാട്: പി.എം. ആർഷോയും കെ. വിദ്യയും വിവാഹിതരായി. തൃക്കരിപ്പൂർ രജിസ്ട്രാർ ഓഫീസിൽവെച്ച് അടുത്ത ബന്ധുക്കളുടേയും സുഹൃത്തുക്കളുടേയും സാന്നിധ്യത്തിലായിരുന്നു ഇരുവരും ഒന്നിച്ചത്. 

എസ്എഫ്ഐ മുൻ സംസ്ഥാന സെക്രട്ടറി ആർഷോ പാലക്കാട് കാഞ്ഞിരപ്പുഴ സ്വദേശിയാണ്. നിലവിൽ സിപിഎം പാലക്കാട് ജില്ലാ കമ്മിറ്റി അംഗമാണ്. കാസർകോട് തൃക്കരിപ്പൂർ സ്വദേശിനിയായ വിദ്യ കാലടി സംസ്കൃത സർവകലാശാലയിലെ പിഎച്ച്ഡി വിദ്യാർഥിനിയാണ്.

എസ്എഫ്ഐ മുൻ അഖിലേന്ത്യാ പ്രസിഡന്റ് വി.പി. സാനു, എസ്എഫ്ഐ സംസ്ഥാന സെക്രട്ടറി പി.എസ്. സഞ്ജീവ്, എസ്എഫ്ഐ സംസ്ഥാന പ്രസിഡന്റ് എം. ശിവപ്രസാദ്, എസ്എഫ്ഐ മുൻ സംസ്ഥാന പ്രസിഡന്റും കണ്ണൂർ ജില്ലാ പഞ്ചായത്ത് മെമ്പറുമായ അനുശ്രി തുടങ്ങിയവർ ചടങ്ങിൽ പങ്കെടുത്തു.

Content Highlights: PM Arsho and K Vidya married in a private ceremony., The wedding took place at the Trikaripur Registrar Office., Prominent SFI leaders attended the event., PM Arsho is a CPM Palakkad district committee member., K Vidya is a PhD student at Kalady Sanskrit University.