പീച്ചി ഡാം റിസര്വോയറില് വീണ നാല് പെണ്കുട്ടികളില് ഒരാള് മരിച്ചു
പീച്ചി/തൃശ്ശൂര്: പീച്ചി ഡാം റിസര്വോയറിന്റെ തെക്കേക്കുളം ഭാഗത്തു വീണ നാല് വിദ്യാര്ഥിനികളില് ഒരാള് മരിച്ചു. രണ്ടുപേരുടെ നില ഗുരുതരമാണ്. പട്ടിക്കാട് ചുങ്കത്ത് ഷാജന്റെയും സിജിയുടെയും മകള് അലീനാ ഷാജനാണ് (16) മരിച്ചത്. തൃശ്ശൂര് ജൂബിലി മിഷന് മെഡിക്കല് കോളേജ് ആശുപത്രിയില് വെന്റിലേറ്ററിലായിരുന്നു. പുലര്ച്ചെ 12.30-ഓടെയായിരുന്നു മരണം.
തൃശ്ശൂര് സെയ്ന്റ് ക്ലേയേഴ്സ് ഗേള്സ് ഹയര് സെക്കന്ഡറി സ്കൂളിലെ പ്ലസ് വണ് വിദ്യാര്ഥിനിയാണ് അലീന. സഹോദരി: ക്രിസ്റ്റീന. വെള്ളത്തില്വീണ മറ്റു മൂന്നു പേരും ജൂബിലി മിഷന് മെഡിക്കല് കോളേജ് ആശുപത്രിയില് വെന്റിലേറ്ററിലാണ്.
ഞായറാഴ്ച വൈകീട്ട് മൂന്നോടെയാണ് സംഭവം. പട്ടിക്കാട് ചാണോത്ത് സ്വദേശിനികളായ പാറശ്ശേരി വീട്ടില് സജിയുടെയും സെറീനയുടെയും മകള് ആന് ഗ്രേസ് (16), ചുങ്കത്ത് ഷാജന്റെയും സിജിയുടെയും മകള് അലീനാ ഷാജന് (16), മുരിങ്ങത്തുപറമ്പില് ബിനോജിന്റെയും ജൂലിയുടെയും മകള് എറിന് (16), പീച്ചി സ്വദേശിനി പുളിയമ്മാക്കല് ജോണിയുടെയും ഷാലുവിന്റെയും മകള് നിമ (12) എന്നിവരാണ് അപകടത്തില്പ്പെട്ടത്.
നാലുപേരും തൃശ്ശൂര് സെയ്ന്റ് ക്ലേയേഴ്സ് സ്കൂളിലെ വിദ്യാര്ഥിനികളാണ്. നിമയുടെ സഹോദരി ഹിമയുടെ സഹപാഠികളാണ് അപകടത്തില്പ്പെട്ട മൂന്നുപേര്. പള്ളിപ്പെരുന്നാള് ആഘോഷത്തിന് ഹിമയുടെ വീട്ടില് എത്തിയ ഇവര് റിസര്വോയര് കാണാന് പോയതായിരുന്നു. ചെരിഞ്ഞുനില്ക്കുന്ന പാറയില് കാല്വഴുതി ആദ്യം രണ്ടുപേര് വീണു. ഇവരെ രക്ഷിക്കാനുള്ള ശ്രമത്തിനിടെ മറ്റു രണ്ടുപേരും വീണു. കരയിലുണ്ടായിരുന്ന ഹിമയുടെ നിലവിളി കേട്ട് ഓടിയെത്തിയ നാട്ടുകാരാണ് നാലുപേരെയും പുറത്തെടുത്ത് ഉടന് തൃശ്ശൂരിലെ സ്വകാര്യ ആശുപത്രിയില് എത്തിച്ചത്.
Content Highlights: Four schoolgirls fell into Peechi Dam reservoir; one died, two critical. Incident happened near Pat