'ജോയ്സ്ന പോയത് കഴുകന്കൂട്ടങ്ങള്ക്കിടയിലേക്ക്'; മകളെ ഇനി കാണേണ്ടെന്ന് പിതാവ്
കൊച്ചി: തനിക്ക് ഇനി മകളെ കാണേണ്ടെന്ന് കോടഞ്ചേരി മിശ്രവിവാഹത്തിലെ വധു ജോയ്സ്നയുടെ പിതാവ് ജോസഫ്. ജോയ്സ്ന എന്തിന് ഇത് ചെയ്തു എന്നായിരുന്നു എനിക്ക് അറിയേണ്ടിയിരുന്നത്. കോടതിയില്വെച്ച് അത് പറയാന് മകള് തയ്യാറായില്ല-ജോസഫ് മാധ്യമങ്ങളോട് പ്രതികരിച്ചു.
'കോടതി വിധി സ്വാഭാവികമായും അവര്ക്ക് അനുകൂലമായിരിക്കുമെന്ന് അറിയാം. ഇനി ഒന്നേ പറയാനുള്ളൂ, കഴുകന്മാരുടെ ഇടയിലേക്കാണ് കുഞ്ഞ് പോയിരിക്കുന്നത്. ഇതേപോലൊരു ദുരനുഭവം കേരളത്തിലെ ആര്ക്കും ഉണ്ടാവരുത്. എന്റെ മുന്നില് വരാന് അവള് താല്പര്യം കാണിച്ചില്ല. ഇനി എന്റെ മുന്നിലേക്ക് അവള് വരേണ്ട ആവശ്യമില്ല- ജോസഫ് പറഞ്ഞു.
ജോയ്സ്നയുടെ പിതാവ് ജോസഫ് നല്കിയ ഹേബിയസ് കോര്പസ് ഹര്ജി ഹൈക്കോടതി ഇന്ന് തീര്പ്പാക്കിയിരുന്നു. താന് ആരുടേയും തടങ്കലില് അല്ല, വിവാഹം കഴിച്ച് ഭര്ത്താവിനൊപ്പമാണ് കഴിയുന്നതെന്ന് ജോയ്സ്ന കോടതിയെ അറിയിച്ചിരുന്നു. തുടര്ന്ന് ജോയ്സ്നയെ ഷെജിനൊപ്പം പോകാന് കോടതി അനുവദിച്ചു.
Content Highlights: Kodenchery Interfaith marriage: High court allows Joysna to go wiTH Husband Shejin,Father response