കേരളത്തിലെ എസ്.ഐ.ആര് സമപരിധി നീട്ടി; എന്യുമറേഷന് ഫോം ഡിസം.18 വരെ സ്വീകരിക്കും
ന്യൂഡല്ഹി: കേരളത്തിലെ എസ്ഐആര് നീട്ടി തിരഞ്ഞെടുപ്പ് കമ്മീഷന്. ഡിസംബര് 18 വരെ എന്യുമറേഷന് സ്വീകരിക്കും. ഡിസംബര് 21ന് കരട് വോട്ടര്പട്ടിക പ്രസിദ്ധീകരിക്കും. ജനുവരി 22 വരെ ആക്ഷേപങ്ങള് അറിയിക്കാം. ഫെബ്രുവരി 21ന് അന്തിമ വോട്ടര് പട്ടിക പ്രസിദ്ധീകരിക്കും.
കേരളത്തിന്റെ ആവശ്യം കണക്കിലെടുത്ത് തീയ്യതി നീട്ടുന്ന കാര്യം അനുഭാവപൂര്വം പരിഗണിക്കണമെന്ന് തിരഞ്ഞെടുപ്പ് കമ്മീഷന് സുപ്രീം കോടതി നിര്ദേശം നല്കിയിരുന്നു. എസ്.ഐ.ആര് നീട്ടുന്നത് സംബന്ധിച്ച് വ്യാഴാഴ്ച തിരഞ്ഞെടുപ്പ് കമ്മീഷന് ചീഫ് ഇലക്ട്രല് ഓഫീസര് രത്തന് ഖേല്ക്കറും ചീഫ് സെക്രട്ടറി ഡോ.എ.ജയതിലകും തമ്മില് കൂടിക്കാഴ്ച നടത്തിയിരുന്നു. ഇതേത്തുടര്ന്നാണ് ഒരാഴ്ച നീട്ടണമെന്ന സര്ക്കാര് ആവശ്യം തിരഞ്ഞെടുപ്പ് കമ്മീഷന് അംഗീകരിച്ചത്.
Content Highlights: Kerala Voter List Update: SIR Extended, Forms Accepted Until December 18