നവരാത്രി ആഘോഷം; തിങ്കളാഴ്ച പൊതുഅവധി പ്രഖ്യാപിച്ച് ഉത്തരവിറങ്ങി

തിരുവനന്തപുരം: നവരാത്രി ആഘോഷങ്ങളുടെ ഭാഗമായി ദുർഗ്ഗാഷ്ടമി ദിനമായ തിങ്കളാഴ്ച സംസ്ഥാനത്ത് പൊതു അവധി പ്രഖ്യാപിച്ചു. അവധി സംബന്ധിച്ച് സർക്കാർതലത്തിൽ നേരത്തെ ധാരണയായിരുന്നു. അവധി പ്രഖ്യാപിച്ചുകൊണ്ടുള്ള ഉത്തരവ് ഇന്നാണ് ഇറങ്ങിയത്. മഹാനവമി ഒക്ടോബർ 20-ന് ആണെങ്കിലും പൂജവെപ്പ് 18 ഞായറാഴ്ച വരുന്നത് കണക്കിലെടുത്താണ് അവധി.

സംസ്ഥാനത്തെ എല്ലാ സർക്കാർ, അർദ്ധസർക്കാർ, പൊതുമേഖലാ സ്ഥാപനങ്ങൾ, നെഗോഷ്യബിൾ ഇൻസ്ട്രുമെന്റ് ആക്ട് പ്രകാരം പ്രവർത്തിക്കുന്ന സ്ഥാപനങ്ങൾ, പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾ എന്നിവയ്ക്ക് തിങ്കളാഴ്ചത്തെ അവധി ബാധകമായിരിക്കും. ഇതോടെ നാലുദിവസത്തെ നീണ്ട അവധിയാണ് സർക്കാർ-പൊതുമേഖലാ സ്ഥാപനങ്ങൾക്ക് ലഭിക്കുക.

Content Highlights: Kerala government declared a public holiday on Monday for Durgashtami., Holiday applies to all government, semi-government, and public sector institutions., Educational institutions including professional colleges will remain closed., The decision considers Sunday being the day for traditional 'Poojaveppu'.