മീഡിയ അക്കാദമി മാധ്യമ ഗവേഷക ഫെലോഷിപ്പുകൾ പ്രഖ്യാപിച്ചു; മാതൃഭൂമിക്ക് മൂന്ന് ഫെലോഷിപ്പുകള്
തിരുവനന്തപുരം: കേരള മീഡിയ അക്കാദമിയുടെ മാധ്യമ ഗവേഷക ഫെലോഷിപ്പുകള് പ്രഖ്യാപിച്ചു. വിവിധ വിഭാഗങ്ങളിലായി മാതൃഭൂമിയ്ക്ക് മൂന്ന് ഫെലോഷിപ്പുകൾ ലഭിച്ചു. മാതൃഭൂമി ചീഫ് സബ് എഡിറ്റര് ഡോ. ഒ.കെ. മുരളീകൃഷ്ണൻ, സീനിയർ റിപ്പോർട്ടർ ടി. ജെ. ശ്രീജിത്ത്, മാതൃഭൂമി ഡോട് കോം കണ്ടന്റ് റൈറ്റർ അമൃത എ.യു. എന്നിവരാണ് ഫെലോഷിപ്പിന് അർഹത നേടിയത്. മാധ്യമരംഗത്തെ പഠന-ഗവേഷണങ്ങള്ക്കായാണ് മാധ്യമപ്രവര്ത്തകര്ക്ക് വാർഷിക ഫെലോഷിപ്പുകൾ നൽകിവരുന്നത്.
ഒരുലക്ഷം രൂപയുടെ സൂക്ഷ്മ ഗവേഷക ഫെലോഷിപ്പിനാണ് ഡോ. ഒ.കെ. മുരളീ കൃഷ്ണന് അർഹനായത്. പതിനായിരം രൂപ വീതമുള്ള ഫെലോഷിപ്പിന് ടി. ജെ. ശ്രീജിത്ത്, അമൃത എ.യു എന്നിവരും അർഹരായി.
ഫെലോഷിപ്പ് ലഭിച്ച മറ്റുള്ളവർ-
ദേശാഭിമാനി സീനിയര് റിപ്പോര്ട്ടര് ജഷീന എം. ഒരുലക്ഷം രൂപയുടെ ഫെലോഷിപ്പിന് അർഹത നേടി. 75,000 രൂപ വീതമുള്ള സമഗ്ര ഗവേഷക ഫെലോഷിപ്പ് ഷിന്റോ ജോസഫ്- മലയാള മനോരമ, പി.വി.കുട്ടന്- കൈരളി ടിവി, പി.എസ്. വിനയ-ഏഷ്യാനെറ്റ് ന്യൂസ്, ദിലീപ് മലയാലപ്പുഴ-ദേശാഭിമാനി, കെ.എസ്.ഷംനോസ്-മാധ്യമം, ജി.ബാബുരാജ്- ജനയുഗം, സി.നാരായണന്, ഡോ.നടുവട്ടം സത്യശീലന്,നീതു സി.സി.-മെട്രോവാര്ത്ത എന്നിവര്ക്ക് ലഭിച്ചു.
പൊതു ഗവേഷണ മേഖലയില് ശ്രീജിഷ.എല്- ഇന്ത്യ ടുഡേ, സജി മുളന്തുരുത്തി- മലയാള മനോരമ, അനു എം.- മലയാളം ദിനപത്രം, അമൃത അശോക്- ബിഗ് ന്യൂസ് ലൈവ് ന്യൂസ് പോര്ട്ടല്, അഖില നന്ദകുമാര്- ഏഷ്യാനെറ്റ് ന്യൂസ്, ശ്യാമ.എന്.ബി.- കൊച്ചി എഫ്.എം., സുപ്രിയ സുധാകര്- ദേശാഭിമാനി, റഷീദ് ആനപ്പുറം-ദേശാഭിമാനി, സിജോ പൈനാടത്ത്- ദീപിക, ഹംസ ആലുങ്ങല്- സുപ്രഭാതം ദിനപത്രം, വി.ജയകുമാര്-കേരളകൗമുദി, മൊഹമ്മദ് ബഷീര് കെ. -ചന്ദ്രിക ദിനപത്രം എന്നിവര്ക്ക് 10,000 രൂപ വീതം ഫെലോഷിപ്പ് നല്കും.
തോമസ് ജേക്കബ്, ഡോ. സെബാസ്റ്റ്യന് പോള്, എം.പി.അച്യുതന്, ഡോ.പി.കെ.രാജശേഖരന്, ഡോ.മീന ടി.പിളള , ഡോ.നീതു സോന എന്നിവരടങ്ങുന്ന വിദഗ്ധ സമിതിയാണ് ഫെലോഷിപ്പിന് അര്ഹരായവരെ തിരഞ്ഞെടുത്തത്. മാര്ച്ച് 21-ന് നടക്കുന്ന പ്രതിഭാസംഗമത്തില് മന്ത്രി കെ.എന്. ബാലഗോപാല് ഫെലോഷിപ്പുകള് വിതരണം ചെയ്യും. അക്കാദമി ചെയര്മാന് ആര്.എസ്. ബാബു ആണ് പുരസ്കാരങ്ങള് പ്രഖ്യാപിച്ചത്.
Content Highlights: Kerala Media Academy Fellowships, Dr. O K Murali Krishnan, TJ Sreejith, Amritha A U